സൗദിയില് നിന്ന് നാട്ടിലേക്ക് പണമയക്കുന്നതില് നിയന്ത്രണം
രാജ്യത്തെ വിദേശ തൊഴിലാളികള് നാട്ടിലേക്ക് അയക്കുന്ന പണത്തിന് നിയന്ത്രണം കൊണ്ട് വരാന് സൗദി ഭരണകൂടം ഒരുങ്ങുന്നു. ഇനി മുതല് വിദേശ തൊഴിലാളികള്ക്ക് സ്വന്തം വരുമാനത്തില് കൂടുതല് തുക നാട്ടിലേക്ക് അയക്കാന് സാധിക്കില്ല. സ്വന്തം വരവില് കഴിഞ്ഞ് പണമയച്ചാല് തൊഴിലാളിക്കെതിരെ കേസെടുക്കുന്ന തരത്തിലാണ് പുതിയ സംവിധാനങ്ങള് നടപ്പിലാക്കുന്നത്.
ആയിരക്കണക്കിന് വിദേശ തൊഴിലാളികള് അവരുടെ ശമ്പളത്തേക്കാളേറെ പണം നാട്ടിലേക്ക് അയക്കുന്നത് കണ്ടെത്തിയതായി അധികൃതര് വിശദീകരിക്കുന്നു. ഇത്തരം പണം അനധികൃത മാര്ഗത്തിലൂടെയോ ക്രിമിനല് കുറ്റങ്ങളിലൂടെയോ കണ്ടെത്തിയതാകാം. ഇത് രാജ്യത്തിന്റെ സാമ്പത്തിക നില തകരാറിലാക്കും. അതിനാല് തന്നെ ഇത്തരം നടപടികള് തടയേണ്ടത് ഭരണകൂടത്തിന്റെ ചുമതലയാണെന്നും ഈ നിയമം ഉടന് തന്നെ നടപ്പിലാക്കുമെന്നും അവര് വിശദീകരിച്ചു.
നാട്ടിലേക്ക് പണമയക്കുന്നതിന് നിയന്ത്രണം കൊണ്ട് വരാന് സൗദി ഭരണകൂടം നിയമനിര്മ്മാണം നടത്തിയേക്കുമെന്ന് സൂചനകളുണ്ടായിരുന്നു. എന്നാല് ഇപ്പോഴത്തെ നീക്കം രാജ്യത്തെ അനധികൃത പണവിനിമയം തടയാനുദ്ദേശിച്ച് കൊണ്ടാണെന്ന അധികൃതര് വിശദീകരിക്കുന്നുണ്ടെങ്കിലും കടുത്ത നിയന്ത്രണം കൊണ്ട് വരുന്നതിന്റെ ആദ്യഘട്ടമാണെന്നാണ് വിലയിരുത്തല്.
https://www.facebook.com/Malayalivartha