ദക്ഷിണ കൊറിയയില് നടക്കുന്ന ഷിന്ക്യോ കുഷിന് ഏഷ്യന് ചാംപ്യന്ഷിപ്പില് ഇന്ത്യയെ പ്രതിനിധീകരിക്കാന് മലയാളിയായ കരാട്ടെ അധ്യാപകന്
13മത്തെ വയസില് കരാട്ടെ പരിശീലനം ആരംഭിച്ച മലപ്പുറം തവനൂര് സ്വദേശി രംഗിത് പുളിയത്തു ബാലനാണു സെപ്റ്റംബറില് ദക്ഷിണ കൊറിയയില് നടക്കുന്ന ഷിന്ക്യോ കുഷിന് ഏഷ്യന് ചാംപ്യന്ഷിപ്പില് ഇന്ത്യയെ പ്രതിനിധീകരിക്കാനൊരുങ്ങുന്നത്.
അബുദാബിയില് കരാട്ടെ അധ്യാപകനായി ജോലിചെയ്യുന്ന 2007 ല് യുഎഇയിലെത്തിയ ഇദ്ദേഹം അബുദാബിയില് പൊലീസ് ഉദ്യോഗസ്ഥര്ക്ക് അടക്കം കരാട്ടെ പരിശീലനം നല്കിയ പരിചയ സമ്പത്തുള്ളയാളാണ് രംഗിത്. ദക്ഷിണ കൊറിയയില് നടക്കുന്ന ചാംപ്യന്ഷിപ്പില് ആദ്യ മൂന്നില് ഇടംനേടിയാല് അടുത്തവര്ഷം കസഖ്സ്ഥാനില് നടക്കുന്ന ലോകചാംപ്യന്ഷിപ്പിലേക്കും യോഗ്യത ലഭിക്കും. ഇതിനുള്ള കഠിനപരിശീലനത്തിലാണ് ഈ 32 കാരന്. വിവിധ ടൂര്ണമെന്റുകളില് യുഎഇയ്ക്കായി മല്സരിച്ചിട്ടുള്ള രംഗിത് ഇതിനോടകം നിരവധി ട്രോഫികളും കരസ്ഥമാക്കിയിട്ടുണ്ട്. 2013ല് മലേഷ്യയില് നടന്ന ഏഷ്യന് ചാംപ്യന്ഷിപ്പില് പങ്കെടുത്ത രംഗിത്തിന്റെ ആഗ്രഹം ഏഷ്യന് ചാമ്പ്യന് ആവുകയെന്നുള്ളതാണ്.
https://www.facebook.com/Malayalivartha