വിസ്മയകാഴ്ചകളുമായി ഗള്‍ഫ് മേഖലയിലെ ഏറ്റവും വലിയ തീം പാര്‍ക്ക് ദുബായില്‍
ഗള്‍ഫ് മേഖലയിലെ ഏറ്റവും വലിയ തീം പാര്‍ക്ക് ഈ വര്‍ഷം ഒക്ടോബര്‍ 31ന് ദുബായില്‍ തുറക്കും. ബോളിവുഡ് പാര്‍ക്ക്, മോഷന്‍ഗേറ്റ് ദുബായ് ലിഗോ ലാന്‍ഡ് എന്നിവയാണ് ദുബായ് പാര്‍ക്‌സ് ആന്‍ഡ് റിസോര്‍ട്ട് എന്നു പേരിട്ടിരിക്കുന്ന പദ്ധതിയിലുള്ളത്.
വിസ്മയക്കാഴ്ചകളുടെ വൈവിധ്യമാണ് ദുബായ് പാര്‍ക്‌സ് സമ്മാനിക്കുന്നത്. ഹോളിവുഡിലെ അനിമേഷന്‍ അനിമേഷന്‍ കഥാപാത്രങ്ങള്‍ക്കൊപ്പം ഉല്ലസിക്കാന്‍ അവസരം ഒരുക്കുന്ന മോഷന്‍ഗേറ്റാണ് ഈ പാര്‍ക്കുകളില്‍ മുഖ്യം. ഹോളിവുഡ് സിനിമകളില്‍ കണ്ട് അതിശയിച്ച വിസ്മയങ്ങള്‍ നേരിട്ടറിയാനും 
അനുഭവിക്കാനും ഇവിടെ അവസരം നല്‍കുന്നുണ്ട്. സോംബി ലാന്‍ഡ്, സ്മര്‍ഫ് വേള്‍ഡ്, ഹോട്ടല്‍ ട്രാന്‍സില്‍വാനിയ തുടങ്ങി പല ഹോളിവുഡ് സിനിമാ അനുഭവങ്ങളിലൂടെയും ഇവിടെ കടന്നു പോകാനാകും. വിസ്മയത്തേക്കാളേറെ വിനോദത്തിന്റെ ലോകമാണ് രണ്ടാമത്തെ തീം പാര്‍ക്കായ ലീഗോ ലാന്‍ഡ്. 
ഇവിടെ തന്നെ ലീഗോ വാട്ടര്‍ പാര്‍ക്കും ഒരുക്കിയിരിക്കുന്നു. ലോകത്തെ പ്രശസ്തമായ നിര്‍മിതികള്‍ ലിഗോ ബ്രിക്‌സില്‍ ഒരുക്കിയിരിക്കുന്നതാണ് മറ്റൊരു ആകര്‍ഷണം. ബോളിവുഡ് സിനിമാ അനുഭവങ്ങളാണ് ബോളിവുഡ് പാര്‍ക്ക് സമ്മാനിക്കുന്നത്. ദബാങ്, ക്രിഷ്, ലഗാന്‍, റാ വണ്‍ തുടങ്ങി ഒട്ടേറെ ബോളിവുഡ് ചിത്രങ്ങളുടെ പശ്ചാത്തലത്തിലൂടെ സന്ദര്‍ശകര്‍ക്ക് വിവിധ റൈഡുകള്‍ ആസ്വദിക്കാം. തീം പാര്‍ക്കുകള്‍ക്കൊപ്പം സന്ദര്‍ശകര്‍ താമസിക്കാന്‍ റിസോര്‍ട്ടുകളും ഭക്ഷണശാലകളും ഒരുക്കിയിട്ടുണ്ട്. 
https://www.facebook.com/Malayalivartha
