പ്രമുഖ വ്യവസായി എംഎ യൂസഫലി ചെയര്‍മാനായ ലുലു ഗ്രൂപ്പിന് കീഴിലെ ഇന്ത്യോനേഷ്യന്‍ സ്ഥാപന ഡയറക്ടര്‍ രാജ്‌മോഹന്‍ നായര്‍ ജക്കാര്‍ത്തയില്‍ അറസ്റ്റില്‍. 40 കോടി രൂപയുടെ നികുതി എഴുതി തള്ളാന്‍ കൈക്കൂലി വാഗ്ദാനം ചെയ്യുകയും അത് നല്‍കിയതിനുമാണ് അറസ്റ്റിലായത്. ഇയാളോടൊപ്പം രാജ്യത്തെ നികുതി വകുപ്പിലെ ഏറ്റവും പ്രധാനപ്പെട്ട ഉദ്യോഗസ്ഥനും പോലീസ് പിടിയിലായി. മൂന്ന് കോടി രൂപയാണ് കൈക്കൂലിയായി വാഗ്ദാനം ചെയ്തത്. ഇതില്‍ ഒരു കോടി രൂപ കൈമാറുമ്പോഴാണ് ഇന്ത്യോനേഷ്യന്‍ അഴിമതി വിരുദ്ധ ഏജന്‍സി ഇരുവരേയും പിടികൂടിയത്.

ഈ വാര്‍ത്ത ഇന്ത്യയിലെത്താതിരിക്കാന്‍ ബദ്ധപ്പെട്ടവര്‍ ശ്രദ്ധിക്കുകയും ചെയ്തു എങ്കിലും ആഗോള തലത്തില്‍ അഴിമതിക്ക് പ്രധാനപ്പെട്ട ഉദ്യോഗസ്ഥന്‍ പിടികൂടിയത് ലുലു ഗ്രൂപ്പിന്റെ പ്രതിച്ഛായയ്ക്ക് മങ്ങലേല്‍പ്പിക്കുകയായിരുന്നു.

ഇന്ത്യോനേഷ്യയിലെ നികുതി വകുപ്പിലെ ഉന്നത ഉദ്യോഗസ്ഥനാണ് അറസ്റ്റിലായ പ്രിഹസര നുഗ്രഹ. ജക്കാര്‍ത്തയിലെ നുഗ്രഹയുടെ വീട്ടില്‍ നിന്നാണ് ഇരുവരേയും കൈക്കൂലി കൈമാറുന്നതിനിടെ പിടി കൂടിയത്. രഹസ്യ വിവരത്തിന്റെ അടിസ്ഥാനത്തിലാണ് അറസ്‌റ്. ഇരുവരേയും ഇരുപത് ദിവസത്തേക്ക് കോടതി റിമാന്‍ഡ് ചെയ്തു. നികുതി വകുപ്പിലെ ഉന്നതന്‍ പിടിയിലായതു കൊണ്ട് തന്നെ ഇന്ത്യോനേഷ്യയെ ഞെട്ടിച്ച അഴിമതിക്കേസ് കൂടിയായി ഇത്. ലുലു ഗ്രൂപ്പിന്റെ ഇന്ത്യോനേഷ്യന്‍ സ്ഥാപനമായ പിടിഇകെ പ്രിമ എക്‌സപോറിലെ പ്രധാനിയാണ് രാജേഷ് രാജ്‌മോഹന്‍ നായര്‍. യൂസഫലിയുടെ വിശ്വസ്തനും. അതുകൊണ്ട് തന്നെ ഈ ഗ്രൂപ്പുമായി ബന്ധപ്പെട്ട വിവരങ്ങള്‍ പുറത്തുവരാതിരിക്കാന്‍ ലുലു ഗ്രൂപ്പ് ഇന്റര്‍നാഷണലിന്റെ സൈറ്റ് പോലും അപ്രത്യക്ഷമാക്കിയുള്ള ഇടപെടല്‍ നടത്തിയിരുന്നു.

ലുലു ഗ്രൂപ്പിന് കീഴിലെ പ്രധാന സ്ഥാപനമായ പിടിഇകെ പ്രിമ എക്‌സ്‌പോര്‍ ഇന്ത്യോനേഷ്യ തുണിത്തരങ്ങളുടെ നിര്‍മ്മാണവും കയറ്റുമതിയും ഇറക്കുമതിയും ചെയ്യാനായി രൂപം നല്‍കിയതതാണ്. ഇന്ത്യോനേഷ്യന്‍ ഉല്‍പ്പനങ്ങള്‍ മാത്രമാണ് കമ്ബനി കൈകാര്യം ചെയ്തിരുന്നത്. ജക്കാര്‍ത്താ കേന്ദ്രീകരിച്ച് പ്രവര്‍ത്തിക്കുന്ന സ്ഥാപനത്തിന് രാജ്യത്തുടനീളം ഓഫീസുകളും ഉണ്ടായിരുന്നു. ഈ ഗ്രൂപ്പിന്റെ പ്രവര്‍ത്തനം സജീവമായതോടെ ലുലു ഗ്രൂപ്പ് ജക്കാര്‍ത്തയില്‍ ഷോപ്പിങ് മാളും തുടങ്ങി. അങ്ങനെ ശൃംഖല വിപുലമാക്കാന്‍ ശ്രമിക്കുന്നതിനിടെയാണ് വലിയ തിരിച്ചടി നല്‍കി രാജേഷ് രാജ്‌മോഹന്‍ നായരുടെ അറസ്റ്റ് എത്തുന്നത്. അമേരിക്കന്‍ ഡോളര്‍ 5.7 കോടിയായിരുന്നു നികുതിയായി ലുലുവിന്റെ സ്ഥാപനം ഇന്ത്യോനേഷ്യയില്‍ അടയ്ക്കാനുണ്ടായിരുന്നത്. ഇതില്‍ ഇളവ് ലഭിക്കാനായി 4,45,000 ഡോളറാണ് കൈക്കൂലിയായി വാഗ്ദാനം ചെയ്തത്. ഇതില്‍1 ,48,500ഡോളര്‍ കൈമാറുമ്‌ബോഴായിരുന്നു അറസ്റ്റ്.

ഈയിടെ ഡെലോയിറ്റ് പുറത്തിറക്കിയ പത്തൊന്‍പതാമത് ഗ്ലോബല്‍ പവര്‍ റീട്ടൈലിംഗില്‍ അതിവേഗം വളരുന്ന 25 കമ്ബനികളില്‍ ലുലുവും. 2014 സാമ്ബത്തിക വര്‍ഷത്തെ പുരോഗതി വിലയിരുത്തി തയ്യാറാക്കിയ 250 കമ്ബനികളുടെ പട്ടികയിലാണ് ആദ്യത്തെ ഇരുപത്തഞ്ചില്‍ ലുലു സ്ഥാനം പിടിച്ചത്. ഈ വര്‍ഷം ആദ്യമാണ് ഇത് പുറത്തുവന്നത്..