ജുബൈലിന്റെ സമഗ്രവികസനത്തിന് തുടക്കമിട്ട് സല്‍മാന്‍ രാജാവ്
നിരവധി വികസന പദ്ധതികള്‍ക്ക് സല്‍മാന്‍ രാജാവ് കിഴക്കന്‍ പ്രവിശ്യയില്‍ തുടക്കം കുറിച്ചു. വ്യാവസായിക നഗരമായ ജുബൈലില്‍ ഇന്നലെ 216 ബില്യണ്‍ റിയാലിന്റെ പദ്ധതികള്‍ക്കാണ് അദ്ദേഹം അംഗീകാരം നല്‍കിയത. വിഷന്‍ 2030 ന്റെ ഭാഗമായി ആവിഷ്‌കരിച്ച 242 ഓളം വികസന പദ്ധതികള്‍ക്കാണ് അദേഹം തുടക്കം കുറിച്ചത്. പ്രവിശ്യയുടെ മുഖഛായ തന്നെ മാറ്റുന്ന വിധത്തിലുളളതാണ് ഈ പദ്ധതികള്‍. ഊര്‍ജം, ആരോഗ്യം, ജലം തുടങ്ങി വിവിധ തലത്തിലുളള വികസനപദ്ധതികള്‍ക്കാണ് തുടക്കം കുറിച്ചിരിക്കുന്നത്. വിവിധ മന്ത്രാലയങ്ങളുടെ കീഴില്‍ അരാംകോ, സദാറ, സാത്‌റോപ് തുടങ്ങിയ കമ്പനികളുമായി സഹകരിച്ചാണ് എണ്ണമേഖലയിലെ മിക്ക പദ്ധതികളും ആവിഷ്‌കരിച്ചിട്ടുളളത്. അരാാകോയുടെ ദീര്‍ഘകാല പദ്ധതികളും ഇതില്‍ പെടും. കൂടാതെ പൂര്‍ത്തിയായ നിരവധി പദ്ധതികള്‍ അദ്ദേഹം രാജ്യത്തിന് സമര്‍പ്പിക്കുകയും ചെയ്തു. വിഷന്‍ 2030 എന്ന സ്വപ്‌നത്തിലെത്താന്‍ കൈപിടിച്ചുയര്‍ത്തുന്ന നിക്ഷേപങ്ങളുടെ ഒഴുക്കും ഊര്‍ജ്ജ മേഖലയിലെ വികസന പദ്ധതികളുമാണ് മേഖലയ്ക്ക് പുത്തനുണര്‍വേകുന്നത്.
രാജാവ് ഉദ്ഘാടനം ചെയ്ത പദ്ധതികള്‍ ഊര്‍ജ്ജമന്ത്രി ഖാലിദ് അല്‍ഫാലിഹും ബന്ധപ്പെട്ട വകുപ്പ് ഉദ്യോഗസ്ഥരും വിശദീകരിച്ചു. അല്‍ഖോബാര്‍, ദറൈന്‍, ഖത്തീഫ് എന്നിവിടങ്ങളില്‍ മത്സ്യ ബന്ധനത്തിനായുളള തുറമുഖ നിര്‍മാണം, കാര്‍ഷികാവശ്യത്തിനുളള ജലപദ്ധതികള്‍, വൈദ്യുതോല്‍പാദന കേന്ദ്രങ്ങള്‍, ആശുപത്രികള്‍ കേന്ദ്രീകരിച്ചുളള വികസന പ്രവര്‍ത്തനങ്ങള്‍, ഭവന നിര്‍മ്മാണം തുടങ്ങിയ നിരവധി വികസന പദ്ധതികള്‍ക്കും അദ്ദേഹം അംഗീകാരും നല്‍കി. ഗവര്‍ണര്‍ സുഊദ് ബിന്‍ നായിഫ്, പ്രമുഖര്‍, മന്ത്രിമാര്‍, രാജ കുടുംബാംഗങ്ങള്‍ സൈനിക ഉദ്യോഗസ്ഥര്‍ തുടങ്ങിയ പ്രമുഖര്‍ ചടങ്ങില്‍ പങ്കെടുത്തു. കുഞ്ഞുങ്ങള്‍ നല്‍കിയ ഉപതഹാരങ്ങള്‍ സ്വീകരിച്ചുകൊണ്ടുളള രാജാവിന്റെ കുശലാന്വേഷണം ചടങ്ങില്‍ കൗതുകമുണര്‍ത്തി.
https://www.facebook.com/Malayalivartha
