ഇനി ഒമാനില് തൊഴില് വിസ അഞ്ച് ദിവസത്തിനുളളില്
അഞ്ചു ദിവസംകൊണ്ട് തൊഴില്വിസ ലഭ്യമാക്കുന്നതിന് പദ്ധതി തയാറാവുന്നു. അപേക്ഷ നല്കി വെറും അഞ്ചു പ്രവൃത്തിദിനങ്ങള്കൊണ്ട് വിസ ലഭിക്കും.
സമ്പദ്് വ്യവസ്ഥയുടെ വൈവിധ്യവത്കരണം വിപുലപ്പെടുത്താനുള്ള ദേശീയ പദ്ധതിയായ 'തന്ഫീദി'ന്റെ ആസൂത്രണത്തിലാണ് ഇതിനുള്ള ഒരുക്കങ്ങള് നടക്കുന്നത്. സാധരണരീതിയില് മാസങ്ങളാണ് തൊഴില്വിസ നടപടിക്രമങ്ങള്ക്ക് വേണ്ടിവരുന്നത്. ഈ പദ്ധതി നടപ്പിലാക്കുന്നതോടെ ഈ ബുദ്ധിമുട്ട് മാറികിട്ടും.
താല്ക്കാലിക തൊഴില്വിസ ചില മേഖലകളില് അനുവദിക്കാനുള്ള നടപടികളും ആസൂത്രണം ചെയ്തുവരുകയാണ്. ഒമാനില് ആദ്യമായിട്ടായിരിക്കും ഇത്തരം വിസകള് ലഭ്യമാവുന്നത്. പുതിയ നീക്കത്തെ രാജ്യത്തെ വ്യവസായ മേഖല സ്വാഗതം ചെയ്തു. കൂടാതെ കമ്പനികളും വ്യവസായികളും തൊഴിലാളികളും റിക്രൂട്ടിങ് ഏജന്സികളുമെല്ലം ഇതിനെ ഗുണകരമായി കാണുന്നു.
വിസാ നടപടിക്രമങ്ങള് വേഗത്തിലാക്കുന്നതിന് ഏകജാലക സംവിധാനം കൊണ്ടുവരാനാണ് സര്ക്കാര് പദ്ധതി തയാറാക്കുന്നത്. ഈ പദ്ധതികള് നടപ്പിലാകുന്നതോടെ തൊഴില് മാര്ക്കറ്റിനും ഒമാനില് പ്രവര്ത്തിക്കുന്ന കമ്പനികള്ക്കും ഇത് വളരെ ഗുണകരമാകുമെന്ന് ഒമാന് സൊസൈറ്റി ഓഫ് കോണ്ട്രാക്ടേഴ്സ് സി.ഇഒ ഷഹ്സ്വാര് അല് ബലൂഷി പറഞ്ഞു. വിദേശ തൊഴിലാളികള്ക്ക് താല്ക്കാലിക നിയമനം നല്കാന് സാധിച്ചാല് എണ്ണ, നിര്മാണ മേഖലകളിലെ കമ്പനികള്ക്ക് ചെലവുകുറക്കാന് സാധിക്കുമെന്നും അദ്ദേഹം അറിയിച്ചു.
https://www.facebook.com/Malayalivartha