നോട്ട് പരിഷ്ക്കരണം; പൊറുതിമുട്ടി ബ്രിട്ടീഷ് ഇന്ത്യക്കാര്
1000, 500 നോട്ടുകള് പിന്വലിച്ചതിന്റെ അലയൊലികള് ബ്രിട്ടണിലെ ഇന്ത്യക്കാരിലും പരിഭ്രാന്തി പടര്ത്തുന്നുവെന്ന് റിപ്പോര്ട്ട്. നോട്ട് പിന്വലിക്കലിന്റെ ഭാഗമായി ഡിസംബര് 30 വരെയാണ് പഴയ നോട്ടുകള് മാറ്റിവാങ്ങാന് അവസരമുള്ളത്. എന്നാല് ഇതിന്റെ സമയം നീട്ടിനല്കിയില്ലെങ്കില് തങ്ങളുടെ കൈവശമുള്ള പണത്തിന് യാതൊരു വിലയുമില്ലാതാകുമെന്ന് ഇവര് ഭയപ്പെടുന്നു. കള്ളപ്പണത്തിനെതിരായ മോദിയുടെ നയങ്ങളെ അംഗീകരിക്കുന്നുവെങ്കിലും നോട്ട് പിന്വലിക്കല് ഏകദേശം 10 ലക്ഷത്തോളം വരുന്ന ബ്രിട്ടണിലെ ഇന്ത്യക്കാരെ ബാധിക്കുമെന്നാണ് ഇവര് പറയുന്നത്. ഇതേതുടര്ന്ന് ഇന്ത്യയിലേക്ക് എത്രയും പെട്ടന്ന് എത്തി നോട്ട് മാറ്റിയെടുക്കാനായി പലരും ശ്രമം തുടങ്ങി.
നാട്ടിലേക്ക് പോകുന്ന സുഹൃത്തുക്കളുടെയും ബന്ധുക്കളുടെയും കൈവശം തങ്ങളുടെ പണം കൊടുത്തുവിടുന്നവരും കുറവല്ല. അസാധു നോട്ടുകള് മാറ്റിയെടുക്കാന് ഇന്ത്യയില് നിന്ന് മാത്രമേ സാധിക്കു എന്നതാണ് ഇവരെ കുഴക്കുന്നത്.
അതേസമയം നോട്ട് മാറ്റിവാങ്ങാനുള്ള സമയം അടുത്തവര്ഷം പകുതിവരെയെങ്കിലു നീട്ടിനല്കണമെന്ന് ബ്രിട്ടണിലെ ഇന്ത്യന് വംശജനായ പാര്ലമെന്റംഗം കീത്ത് വാസ് ആവശ്യപ്പെട്ടു. ബ്രിട്ടണിലെ ഇന്ത്യക്കാര്ക്ക് അവരുടെ അസാധു നോട്ടുകള് മാറ്റിവാങ്ങാന് സഹായിക്കണമെന്നാവശ്യപ്പെട്ട് ഇദ്ദേഹം ബാങ്ക് ഓഫ് ഇംഗ്ലണ്ടിന് കത്തയച്ചിട്ടുണ്ട്.
https://www.facebook.com/Malayalivartha