എണ്ണ ഉദ്പാദനം കുറക്കും : ഒപെക് ഉച്ചകോടി
അന്താരാഷ്ട്ര വിപണിയില്‍ പെട്രോളിന് ഉണ്ടായ വിലയിടിവ് തടയുന്നതിന്റെ ഭാഗമായി ഉദ്പാദനം നിയന്തിക്കാന്‍ ബുധനാഴ്ച വിയന്നയില്‍ ചേര്‍ന്ന എണ്ണ ഉദ്പാദന രാജ്യങ്ങളുടെ കൂട്ടായ്മയായ ഒപെക് തീരുമാനിച്ചു. ഇപ്പോഴുളള ഉല്‍പാദനം 33.6 ദശലക്ഷമാണ്. ഇത് 32.5 ദശലക്ഷം ബാരലായി കുറക്കാനാണ് ധാരണയായിട്ടുളളതെന്ന് റോയിട്ടേഴ്‌സ് റിപ്പോര്‍ട്ട് ചെയ്തു. സെപ്റ്റംബര്‍ അവസാനം അള്‍ജീരിയയില്‍ ചേര്‍ന്ന ഒപെക് കൂടിയാലോചന യോഗത്തിലാണ് ഉല്‍പാദനം നിയന്ത്രിച്ച് വിലയിടിവ് തടയാന്‍ അംഗരാജ്യങ്ങളും ഒപെകിന് പുറത്തുളള റഷ്യയും ധാരണയിലെത്തിയത്.
ഇറാഖ്, ഇറാന്‍ എന്നീ രാജ്യങ്ങള്‍ ഉല്‍പാദന നിരന്ത്രണം പഴയ ക്വാട്ടയിലേക്കുളള തിരിച്ചു പോക്ക് എന്നിവയോട് വിയോജിപ്പ് പ്രകടിപ്പിച്ചിരുന്നെങ്കിലും ഉച്ചകോടിയില്‍ ഈ വിഷയത്തില്‍ ധാരണയായിട്ടുണ്ടെന്നാണ് റിപ്പോര്‍ട്ട്. ഉല്‍പാദനം നിയന്ത്രിച്ചില്ലെങ്കിലും വില വര്‍ധിക്കുമെന്ന് സൗദി ഊര്‍ജ മന്ത്രി എന്‍ജി.ഖാലിദ് അല്‍ഫാലിഹ് ബു വ്യക്തമാക്കി. അതിനിടെ ഉല്‍പാദനം കുറക്കാന്‍ ധാരണയായി എന്ന സൂചന പരന്നതോടൈ എണ്ണ വിലയില്‍ നേരിയ വര്‍ധനവ് അനുഭവപ്പെട്ടതായി സാമ്പത്തിക മാധ്യമങ്ങള്‍ റിപ്പോര്‍ട്ട് ചെയ്തു.
https://www.facebook.com/Malayalivartha
