27-ാമത് ദോഹ അന്താരാഷ്ട്ര പുസ്തകമേളയ്ക്ക് തുടക്കം
27-ാമത് ദോഹ അന്താരാഷ്ട്ര പുസ്തകമേളയ്ക്ക് എക്സിബിഷന് ആന്ഡ് കണ്വെന്ഷന് സെന്ററില് തുടക്കമായി. സാംസ്കാരിക കായിക മന്ത്രി സലാഹ് ബിന് ഗാനിം അല് അലി ഉദ്ഘാടനം ചെയ്തു. നയതന്ത്ര പ്രമുഖരും സാഹിത്യകാര•ാരും ഉദ്ഘാടനച്ചടങ്ങില് പങ്കെടുത്തു. അന്താരാഷ്ട്ര പുസ്തകമേള ഖത്തര് സാംസ്കാരികകായിക മന്ത്രി സലാബ് ബിന് ഗാനിം ഉദ്ഘാടനം ചെയ്തു.ഔഖാഫ് ഇസ്ലാമികകാര്യ മന്ത്രി ഡോ. ഗൈസ് ബിന് മുബാറക്ക് അല് ഗുവാരി, ഭരണ വികസന സാമൂഹികകാര്യ മന്ത്രി ഡോ. ഈസ ബിന് സഅദ് അല് ജഫാലി അല് നഈമി, വികസന ആസൂത്രണ മന്ത്രി ഡോ. സാലിഹ് ബിന് മുഹമ്മദ് അല് നാബിത്ത്, ഗതാഗത മന്ത്രി ജാസിം ബിന് സെയ്ഫ് അല് സുലൈത്തി തുടങ്ങിയവര് സന്നിഹിതരായിരുന്നു.
അന്താരാഷ്ട്ര പുസ്തക മേളയില് 33 രാജ്യങ്ങളില്നിന്നായി 490 പ്രസാധകരാണ് പങ്കെടുക്കുന്നത്. ഉദ്ഘാടനശേഷം മന്ത്രിമാരും മറ്റ് പ്രമുഖരും പുസ്തക സ്റ്റാളുകള് ചുറ്റിക്കണ്ടു. ഖത്തര് സര്ക്കാര് സ്ഥാപനങ്ങളുടെയും ഗള്ഫ് അറബ് സാംസ്കാരിക മന്ത്രാലയങ്ങളുടെയും പവലിയനുകള് അദ്ദേഹം സന്ദര്ശിച്ചു. വിദ്യാഭ്യാസ വൈജ്ഞാനികചിന്താ സന്ദേശത്തിന്റെ തുടര്ച്ചയാണ് ഈവര്ഷത്തെയും പുസ്തകമേളയെന്ന് സാംസ്കാരിക മന്ത്രി പറഞ്ഞു. സ്വദേശികളും വിദേശികളും ഒരുപോലെ പുസ്തകമേള പ്രയോജനപ്പെടുത്തണമെന്നും അദ്ദേഹം ആവശ്യപ്പെട്ടു. ഇസ്ലാമിന്റെ ആദ്യ സന്ദേശമെന്ന നിലയ്ക്കാണ് പുസ്തകമേളയുടെ ശീര്ഷകമായി ഇഖ്റഅ് സ്വീകരിച്ചതെന്ന് മാധ്യമപ്രവര്ത്തകരുടെ ചോദ്യത്തിന് മറുപടിയായി മന്ത്രി പറഞ്ഞു. പ്രവാചകന് ആദ്യമിറങ്ങിയ ദിവ്യസന്ദേശം വായിക്കുക എന്നായിരുന്നു. അറിവിനും വായനയ്ക്കും ഇസ്ലാം നല്കുന്ന പ്രാധാന്യമാണ് ഇതിലൂടെ വ്യക്തമാകുന്നതെന്നും സലാഹ് ബിന് ഗാനിം ചൂണ്ടിക്കാട്ടി.
https://www.facebook.com/Malayalivartha
