മാനദണ്ഡങ്ങള് പാലിക്കാതെ 12 എന്ജിനീയറിങ് കോളേജുകളില് നടന്ന എന്ആര്ഐ പ്രവേശനം റദ്ദാക്കണമെന്നു ജയിംസ് കമ്മിറ്റി
എഐസിടിഇയുടെ നിബന്ധനകള് പാലിക്കാതെ പ്രവേശനം നടത്തിയ 12 എന്ജിനീയറിങ് കോളജുകളിലെ എന്ആര്ഐ പ്രവേശനം റദ്ദാക്കണമെന്നു ജയിംസ് കമ്മിറ്റി ഉത്തരവിട്ടു. 277 വിദ്യാര്ത്ഥികളെയാണ് അയോഗ്യരാക്കിയത്.
പ്രവേശന പരീക്ഷാ കമ്മിഷണറുടെ ലിസ്റ്റില് ഉള്പ്പെടാതെ പ്രവേശനം നല്കിയ മൂന്നു കോളജുകളിലെ 83 വിദ്യാര്ത്ഥികളുടെ പ്രവേശനവും ജയിംസ് കമ്മിറ്റി റദ്ദാക്കിയിട്ടുണ്ട്. നിര്മല കോളജ് ചാലക്കുടി, പങ്കജകസ്തൂരി കോളജ് തിരുവനന്തപുരം, ശ്രീനാരായണ ഇന്സ്റ്റിറ്റ്യൂട്ട് ഓഫ് ടെക്നോളജി അടൂര് എന്നിവിടങ്ങളിലെ വിദ്യാര്ത്ഥികളാണ് അയോഗ്യരാക്കപ്പെട്ടത്.
നാളെ ഒന്നാം സെമസ്റ്റര് പരീക്ഷകള് തുടങ്ങാനിരിക്കെയാണു കമ്മിറ്റിയുടെ നടപടി.
കൊച്ചിന് കോളേജ് ഓഫ് എഞ്ചിനിയറിങ്, ഇന്ദിരാ ഗാന്ധി ഇന്സ്റ്റിറ്റ്യൂട്ട് ഓഫ് ടെക്നോളജി ഫോര് വുമണ്, മുസ്ലീയാര് കോളേജ് ഓഫ് എഞ്ചിനിയറിങ്, മുസ്ലീയാര് കോളേജ് ഓഫ് എഞ്ചിനിയറിങ് ആന്ഡ് ടെക്നോളജി, പത്തനംതിട്ട, എസ് സി എം എസ് കോളേജ് ഓഫ് എഞ്ചിനിറയിങ്, ശ്രീ എറണാകുളത്തപ്പന് കോളേജ് ഓഫ് എഞ്ചിനിയറിങ് ആന്ഡ് ടെക്നോളജി, സെന്റ് തോമസ് കോളേജ് ഓഫ് എഞ്ചിനിയറിങ് ചെങ്ങന്നൂര്, സെന്റ് തോമസ് കോളേജ് ഓഫ് എഞ്ചിനിയറിങ് കണ്ണൂര്, യുകെഎഫ് കോളേജ് ഓഫ് എഞ്ചിനിയറിങ് ആന്ഡ് ടെക്നോളജി, വലിയ കൊന്നാംബായി കുളത്തമ്മ കോളേജ് ഓഫ് എഞ്ചിനിയറിങ് ആന്ഡ് ടെക്നോളജി, യൂനസ് കോളേജ് ഓഫ് എഞ്ചിനിയറിങ് ആന്ഡ് ടെക്നോളജി കൊല്ലം, യൂനസ് ഇന്സ്റ്റിറ്റ്യൂട്ട് ഓഫ് ടെക്നോളജി കണ്ണനെല്ലൂര് എന്നീ കോളേജുകളിലെ എന് ആര് ഐ പ്രവേശനമാണ് റദ്ദാക്കിയത്.
കേരളത്തിലെ സ്വാശ്രയ കോളേജുകളില് 15 ശതമാനം സീറ്റുകളാണ് എന്.ആര്.ഐ. വിഭാഗത്തിലുള്ളത്. ഇവയ്ക്ക് അഖിലേന്ത്യാ സാങ്കേതിക വിദ്യാഭ്യാസ കൗണ്സിലായ എ.ഐ.സി.ടി.ഇ.യുടെ അനുമതി വേണം. ആകെയുള്ള 120 സ്വാശ്രയ എന്ജിനീയറിങ് കോളേജുകളില് 50 എണ്ണത്തിനു മാത്രമാണ് എന്.ആര്.ഐ. ക്വാട്ടയില് പ്രവേശത്തിന് എ.ഐ.സി.ടി.ഇ. അനുമതിയുള്ളത്. കഴിഞ്ഞവര്ഷം ഇതേ പ്രശ്നം ഉണ്ടായപ്പോള് ഈ വര്ഷം മുതല് അനുമതി നേടാമെന്ന മാനേജ്മെന്റ് അസോസിയേഷന്റെ ഉറപ്പിനെ തുടര്ന്ന് ജയിംസ് കമ്മിറ്റി ഇളവനുവദിച്ചു.
എന്നാല് ഭൂരിഭാഗം കോളേജുകളും ഇപ്രാവശ്യവും അനുമതി സമ്ബാദിച്ചില്ല. എന്.ആര്.ഐ. ക്വാട്ട അനുവദിക്കാന് എ.ഐ.സി.ടി.ഇ. ഒരു കോളേജില്നിന്ന് മൂന്നുലക്ഷം രൂപ ഫീസായി ഇടാക്കുന്നുണ്ട്. ഈ ഫീസ് ഒഴിവാക്കാനാണ് കോളേജുകളുടെ ശ്രമം. ജനറല് സീറ്റുകള് ഒഴിഞ്ഞുകിടക്കുമ്ബോള് എന്.ആര്.ഐ. സീറ്റില് ഉയര്ന്ന ഫീസ് ഈടാക്കാന് കഴിയില്ലെന്നാണ് ഇക്കാര്യത്തില് മാനേജ്മെന്റുകളുടെ വാദം. പ്രവേശന പരീക്ഷ എഴുതാതെ എന്ജിനീയറിങ് കോഴ്സുകള്ക്ക് ചേരാനുള്ള കുറുക്കുവഴിയായാണ് എന്.ആര്.ഐ. ക്വാട്ടയെ നിലവില് ഉപയോഗപ്പെടുത്തുന്നത്. പ്രവേശത്തിന് എന്.ആര്.ഐ.ക്കാരുടെ മക്കളാകണമെന്നില്ല. പകരം അവര് സ്പോണ്സര് ചെയ്താലും മതി.
എന്.ആര്.ഐ. വിഭാഗത്തില് അഞ്ച് ശതമാനം സീറ്റാണ് എ.ഐ.സി.ടി.ഇ. അംഗീകരിച്ചിട്ടുള്ളതെങ്കിലും പ്രവാസികള് കൂടുതലുള്ളത് പരിഗണിച്ച് കേരളത്തില് ഇത് 15 ശതമാനമാക്കുകയായിരുന്നു. അതിനിടെ ആദ്യ സെമസ്റ്റര് പരീക്ഷയ്ക്ക് തയ്യാറെടുക്കുന്ന കുട്ടികളെ എ.ഐ.സി.ടി.ഇ. അംഗീകാരം നേടാത്തതിന്റെ പേരില് ബലിയാടാക്കരുതെന്ന് മാനേജ്മെന്റ് അസോസിയേഷന് പ്രസിഡന്റ് പ്രൊഫ. ശശികുമാര് പറഞ്ഞു.
അനുമതിയുള്ള കോളേജുകളില് മാത്രമാണോ എന്.ആര്.ഐ. സീറ്റുകളിലേക്ക് കുട്ടികളെ പ്രവേശിപ്പിച്ചതെന്ന് അധികൃതര് പരിശോധിച്ചിട്ടില്ല. അനുമതി വാങ്ങേണ്ടത് മാനേജ്മെന്റുകളാണ്. കുട്ടികളല്ല. അതുകൊണ്ടുതന്നെ തുടര്നടപടികള് പരീക്ഷയ്ക്കുശേഷം തീരുമാനമിക്കുന്നതാകും ഉചിതമെന്നും അദ്ദേഹം അഭിപ്രായപ്പെട്ടു.
https://www.facebook.com/Malayalivartha