ഭക്ഷണം വാങ്ങാന് കാശില്ല,സഹായിക്കാന് ബന്ധുക്കളോ സുഹൃത്തുക്കളോ ഇല്ല... ശത കോടീശ്വരനായിരുന്ന മലയാളി അറ്റ്ലസ് രാമചന്ദ്രന്റെയും കുടുംബത്തിന്റെയും അവസ്ഥ ദയനീയം, രാമചന്ദ്രന്റെ ജയില്വാസം 40 വര്ഷം വരെ നീണ്ടേക്കുമെന്നാണ് സൂചന

അറ്റ്ലസ് ജ്യൂവലറി ജനകോടികളുടെ വിശ്വസ്ത സ്ഥാപനം എന്ന ജ്യൂവലറിയുടെ ഉടമയായിരുന്ന അറ്റ്ലസ് രാമചന്ദ്രനെ ഓര്മ്മയില്ലേ.ഈ ശതകോടീശ്വരന്റെ ഇന്നത്തെ ജീവിതഅവസ്ഥ വളരെ ദയനീയമാണ്.
സഹായിക്കാന് ബന്ധുക്കളോ സുഹൃത്തുക്കളോ ഇല്ലാതെ ഓറ്റപ്പെടലിന്റെ അവസ്ഥയിലാണ് രാമചന്ദ്രന്റെ കുടുംബം.ഭാര്യ ഇന്ദു രാമചന്ദ്രന് ഇപ്പോള് അവഗണനയുടെ അവസ്ഥയിലാണ് ഇപ്പോള്. ഗള്ഫ് രാജ്യങ്ങളില് കോടികളുടെ ബിസിനസ് നടത്തി പ്രവാസി ബിസിനസുകാരില് മുന്പന്തിയിലുണ്ടായിരുന്ന രാമചന്ദ്രന് കഴിഞ്ഞ 23 മാസമായി ദുബായിലെ ജയില് കഴിയുകയാണ്.
പണം അടച്ചു തീര്ത്ത് കേസ് ഒത്തു തീര്പ്പാക്കാമെന്ന ഉദ്യമം പരാജയപ്പെട്ടതോടെ അദ്ദേഹത്തിന്റെ മോചനം സംബന്ധിച്ച പ്രതീക്ഷകള് ആകെ അസ്തമിച്ചിരിക്കുകയാണ്. സ്വത്തുക്കള് വിറ്റ് ഇദ്ദേഹത്തെ പുറത്തെത്തിക്കാന് ഭാര്യ ഇന്ദു രാമചന്ദ്രന് നടത്തിയ ശ്രമങ്ങള് ലക്ഷ്യം കണ്ടില്ല.
രാമചന്ദ്രനെ 2015, ഓഗസ്റ്റ് 23 നാണ് ദുബായ് പോലീസ് അറസ്റ്റ് ചെയ്തത്. മൂന്ന് വര്ഷത്തെ ജയില് ശിക്ഷയാണ് അദ്ദേഹത്തിന് വിധിച്ചിരിക്കുന്നത്. ആരോഗ്യനില ദിവസവും വഷളായി വരുന്നതിനാല് ഭര്ത്താവിനെ ഏതുവിധേനയും ജയിലില് നിന്നും രക്ഷപ്പെടാന് നെട്ടോട്ടമോടുകയാണ് രാമചന്ദ്രന്റെ ഭാര്യ ഇന്ദിര.34 മില്യണ് ദിര്ഹത്തിന്റെ ചെക്കുകള് മടങ്ങിയ കേസില് രാമചന്ദ്രന് ജയിലിലായതോടെയാണ് ഇന്ദിരയുടെ ജീവിതം കീഴ്മേല് മറിഞ്ഞത്.
'പൊലീസ് ഉദ്യോഗസ്ഥര് അദ്ദേഹത്തെ കൊണ്ടുപോകുമ്ബോള് കുറച്ചു മണിക്കൂറുകള്ക്ക് ശേഷം വിട്ടയയ്ക്കുമെന്നാണ് കരുതിയത്. പക്ഷേ പ്രതീക്ഷ അസ്ഥാനത്തായി. സംഭവം വാര്ത്തയായതോടെ കൂടുതല് ബാങ്കുകള് ചെക്കുകള് സമര്പ്പിച്ചു. തിരിച്ചടവ് മുടങ്ങിയതിന് അവര് രാമചന്ദ്രനെതിരെ കൂടുതല് കേസുകള് ചാര്ജ് ചെയ്യാന് സമ്മര്ദ്ദം ചെലുത്തി.
1990 ലെ കുവൈത്ത് യുദ്ധകാലത്ത് അറ്റ്ലസിന്റെ ബിസിനസ് സാമ്രാജ്യം തകര്ന്നടിഞ്ഞതാണ്.ബിസിനസ് വിപുലപ്പെടുത്തുന്നതിനായി ബാങ്കുകളില് നിന്ന് എടുത്ത തുക പലിശയും പലിശയുടെ പലിശയുമായി വന്തുകയായി മാറിക്കഴിഞ്ഞു.
കേന്ദ്രസംസ്ഥാന സര്ക്കാരുകളുടെ ഇടപടിലിലൂടെ മാത്രമേ ഇനി മലയാളിയുടെ പ്രിയപ്പെട്ട വ്യവസായിക്ക് പുറത്തിറങ്ങാന് കഴിയൂ. എന്നാല് തട്ടിപ്പ് കേസിലെ പ്രതിയെ രക്ഷിക്കാനാകില്ലെന്ന നിലപാടിലാണ് സര്ക്കാരുകളെന്നാണ് സൂചന. അറ്റ് ലസ് രാമചന്ദ്രന്റെ ജയില്വാസം 40 വര്ഷം വരെ നീണ്ടേക്കുമെന്നാണ് സൂചന.
ബാങ്കുകളില് പണം അടച്ച് കേസുകള് തീര്പ്പാക്കാനുള്ള നീക്കവും പൊളിഞ്ഞു. മലയാളിയായ പ്രവാസി വ്യവസായിയാണ് ഇതിന് എതിര്പ്പുമായി രംഗത്തുള്ളത്.ജ്യുവലറികളിലുണ്ടായിരുന്ന സ്വര്ണാഭരണങ്ങളും മറ്റും ചെറിയ തുകയ്ക്ക് വിറ്റ് കുറെ കടങ്ങള് വീട്ടി. ഇരുന്നൂറോളം ജീവനക്കാരുടെ ആനുകൂല്യങ്ങളും നല്കി. എങ്കിലും വലിയ കടബാധ്യത അതേപടി നില്ക്കുന്നു.
സ്വത്തുക്കള് ബാങ്കുകളെ ഏല്പ്പിച്ച് അവരുടെ കണ്സോര്ഷ്യം വഴി തുക തിരിച്ചടയ്ക്കാനുള്ള പദ്ധതിയും പാതിവഴിയിലാണ്. 19 ബാങ്കുകള് ഇതിന് തയ്യാറായെങ്കിലും മൂന്നു ബാങ്കുകള് നിസ്സഹരിക്കുന്നതാണ് ഇപ്പോഴത്തെ പ്രശ്നം.
ഇതിനിടയില് സമാനമായ സാമ്ബത്തിക പ്രശ്നങ്ങളുടെ പേരില് മകള് മഞ്ജുവും മരുമകന് അരുണും കൂടി ജയിലിലായതോടെ എല്ലാം ചെയ്തുതീര്ക്കേണ്ട ബാധ്യത ഇന്ദിര എന്ന ഇന്ദുവിന്റെ തലയിലായി. മകന് നേരത്തെതന്നെ ഈ പ്രശ്നങ്ങളാല് അമേരിക്കയിലേക്ക് പോയിരുന്നു.ജയില്വാസത്തിന്റെ ആദ്യ നാളുകളില് സന്തോഷവാനായിരുന്ന രാമചന്ദ്രന് പുതിയ കേസുകളുടെ കാര്യം കൂടി അറിഞ്ഞതോടെ മൗനത്തിലായെന്ന് നേരത്തെ തന്നെ റിപ്പോര്ട്ടുകള് പുറത്തുവന്നിരുന്നു.
അതിലും ദയനീയമാണ് ഇപ്പോഴത്തെ അവസ്ഥയെന്നാണ് സൂചന. പുറത്തുനിന്നും ഭക്ഷണം വാങ്ങിപ്പിക്കാന് പണമില്ലാതെ ജയില് ആഹാരം മാത്രം കഴിക്കുകയാണ് ശത കോടീശ്വരനായിരുന്ന മലയാളി. കൈവശം പണമുള്ള തടവുകാര്ക്ക് പുറത്തുനിന്ന് ഭക്ഷണം വാങ്ങിപ്പിച്ച് കഴിക്കാനുള്ള അനുവാദം തടവുകാര്ക്ക് ദുബായ് ജയിലധികൃതര് അനുവദിക്കാറുണ്ട്.അതിനാല് സാമ്ബത്തിക കുറ്റവാളികളും അല്പം ചുറ്റുപാടുള്ളവരുമൊക്കെ പുറത്തുനിന്നും ഭക്ഷണം വാങ്ങിപ്പിച്ച് കഴിക്കാറാണ് പതിവ്. സന്ദര്ശിക്കാനെത്തുന്നവര് ഇതിനുള്ള പണം നല്കും.
എന്നാല് രാമചന്ദ്രന് സന്ദര്ശകരുമില്ല, പണവുമില്ല. ഇതും രാമചന്ദ്രനെ മാനസികമായി തളര്ത്തിയിട്ടുണ്ട്.ചെക്കുകേസുകളില് പെട്ട് ദുബായ് കോടതി ഒക്ടോബര് 28ന് രാമചന്ദ്രനെ മൂന്നുവര്ഷത്തേക്ക് ശിക്ഷിക്കുകയും ചെയ്തു. ഇപ്പോള് വായ്പയും വാടക കുടിശ്ശികയുമെല്ലാമായി ബാധ്യത 600 ദശലക്ഷം ദിര്ഹത്തിലെത്തിയെന്നാണ് ഏകദേശ കണക്ക്. അതുവരെ ഭര്ത്താവിന്റെ ബിസിനസ്സ് കാര്യങ്ങളുമായി കാര്യമായ ബന്ധമൊന്നുമില്ലാതിരുന്ന ഇന്ദു പിന്നീട് എല്ലാം നേരിടേണ്ട സ്ഥിതിയായി.
https://www.facebook.com/Malayalivartha