മലയാളിയെ കാണാന് അബുദാബി കിരീടാവകാശി നേരിട്ടെത്തിയപ്പോള് പ്രവാസികള്ക്ക് അത്ഭുതം , മലപ്പുറം കുറുവ പഴമുള്ളൂര് സ്വദേശി മുല്ലപ്പള്ളി അലിയെയാണ് ശൈഖ് മുഹമ്മദ് സന്ദര്ശിച്ചത്
മലയാളിയെ കാണാന് അബുദാബി കിരീടാവകാശി നേരിട്ടെത്തിയപ്പോള് പ്രവാസികള്ക്ക് അത്ഭുതമാകുന്നു. അബുദാബി കിരീടാവകാശിയും യു.എ.ഇ. സായുധസേനാ ഉപസര്വസൈന്യാധിപനുമായ ശൈഖ് മുഹമ്മദ് ബിന് സായിദ് അല് നഹ്യാന് ചികിത്സയില് കഴിയുന്ന മലയാളിയെ കാണാന് ആശുപത്രിയിലെത്തി.
തന്റെ പേഴ്സണല് സ്റ്റാഫ് അംഗമായി കഴിഞ്ഞ മുപ്പതു വര്ഷത്തോളം സേവനമനുഷ്ഠിച്ച മലപ്പുറം കുറുവ പഴമുള്ളൂര് സ്വദേശി മുല്ലപ്പള്ളി അലിയെയാണ് ശൈഖ് മുഹമ്മദ് സന്ദര്ശിച്ചത്. തലച്ചോറില് രക്തം കട്ടപിടിച്ചതിനെത്തുടര്ന്ന് ശസ്ത്രക്രിയയ്ക്ക് വിധേയനായ അലിക്ക് ശൈഖ് മുഹമ്മദിന്റെ സന്ദര്ശനം അദ്ദേഹത്തിന് ഏറെ സന്തോഷമുളവാക്കി. വ്യാഴാഴ്ച ഉച്ചയ്ക്ക് ഒരുമണിക്ക് എത്തിയ ശൈഖ് മുഹമ്മദ് അലിക്ക് ഏറ്റവും മികച്ച ചികിത്സ ഉറപ്പുവരുത്തുകയും ചെയ്തു.
വിദേശയാത്രയില് ഭരണാധികാരിയുടെ പേഴ്സണല് സംഘത്തില് യാത്രചെയ്യുന്ന അലി കഴിഞ്ഞയാഴ്ച സൗദിയിലും മൊറോക്കോയിലും പോയിരുന്നു. തിരിച്ചെത്തിയശേഷം തലകറക്കവും ഓര്മക്കുറവും അനുഭവപ്പെട്ടതിനെ തുടര്ന്നാണ് ചികിത്സതേടിയത്. എം.ആര്.ഐ. സ്കാന് ചെയ്തപ്പോള് തലച്ചോറില് രക്തം കട്ടപിടിച്ചതായി കണ്ടെത്തുകയും ഉടന് തന്നെ ശസ്ത്രക്രിയ നിര്ദേശിക്കുകയുമായിരുന്നു. മറ്റൊരു ആശുപത്രിയില് കഴിഞ്ഞ ഞായറാഴ്ചയായിരുന്നു ശസ്ത്രക്രിയ നിശ്ചയിച്ചിരുന്നത്.
എന്നാല്, കിരീടാവകാശിയുടെ നിര്ദേശപ്രകാരം വിദഗ്ധ ചികിത്സയ്ക്കായി അബുദാബിയിലെ ഏറ്റവും മികച്ച ആശുപത്രികളിലൊന്നായ ക്ലീവ് ലാന്ഡിലേക്ക് മാറ്റുകയായിരുന്നു. ഓഫീസില്നിന്ന് ഫോണില് ഒട്ടേറെ അന്വേഷണങ്ങള് എത്താറുണ്ടെങ്കിലും കിരീടാവകാശി നേരിട്ടെത്തുമെന്ന് ഒരിക്കലും അവര് പ്രതീക്ഷിച്ചില്ല.
https://www.facebook.com/Malayalivartha
