ഒമാൻ ഉൾക്കടലിൽ ഇറാൻ ബന്ധമുള്ള ഉരു തകർത്തതായി അമേരിക്ക. യുഎസ് നാവികസേനയെ ലക്ഷ്യമിട്ട് നിരീക്ഷണം നടത്തിവരികയായിരുന്ന ഉരുവാണ് കടലിൽ മുക്കിയതെന്ന് യുഎസ് സെൻട്രൽ കമാൻഡ് . ഇതിന്റെ ദൃശ്യങ്ങളും യുഎസ് സെൻട്രൽ കമാൻഡ് പുറത്തുവിട്ടിട്ടുണ്ട്. ഉരു തകർക്കുന്നതിന് മുൻപ് ഇതിലെ ജീവനക്കാരെ സുരക്ഷിതമായി ഒഴിപ്പിച്ചിരുന്നതായാണ് യുഎസ് സെൻട്രൽ കമാൻഡ് പറയുന്നത്. ഇവരെ നാടുകടത്താനുള്ള നടപടികൾ സ്വീകരിച്ചുവരികയാണെന്നും യുഎസ് സെൻട്രൽ കമാൻഡ് .

അതേസമയം, ഹോർമുസ് കടലിടുക്കിൽ മൈനിൽ തട്ടി ഒരു ചരക്കുകപ്പൽ മുങ്ങിയതായി ഇറാൻ ഐആർജിസി . ഇറാൻ-യുഎസ് സംഘർഷത്തിനിടെ ഹോർമുസിൽ മൈനിൽ തട്ടി കപ്പൽ മുങ്ങുന്ന സംഭവം ആദ്യമായാണ് ഇറാൻ റിപ്പോർട്ട് ചെയ്യുന്നത്.

അതിനിടെ, ചൊവ്വാഴ്ചയും ബുധനാഴ്ചയും ഹോർമുസ് വഴി സഞ്ചരിച്ച സിം​ഗപ്പൂർ രജിസ്ട്രേഷനിലുള്ള രണ്ട് കപ്പലുകൾക്ക് നേരേ ആക്രമണമുണ്ടായതായി സിം​ഗപ്പൂർ മാരിടൈം ആൻഡ് പോർട്ട് അതോറിറ്റി അറിയിക്കുകയും ചെയ്തു. ഇതിൽ ഒരു കപ്പൽ പൂർണമായും മുങ്ങിപ്പോയി. മറ്റൊരു കപ്പൽ സുരക്ഷിതമായി എത്തിച്ചേർന്നതായും മുങ്ങിയ കപ്പലിലെ ജീവനക്കാരെയെല്ലാം സുരക്ഷിതമായി പുറത്തെത്തിച്ചെന്നും വ്യക്തമാക്കി സിം​ഗപ്പൂർ അധികൃതർ.