യു.എ.ഇ സന്ദര്ശനം നടത്തുന്ന ഫ്രാന്സിസ് മാര്പാപ്പയുടെ പൊതു പരിപാടിയില് സംബന്ധിക്കാനുള്ള രജിസ്ട്രേഷന് നാളെ അവസാനിക്കും
ഫെബ്രുവരി മൂന്ന് മുതല് അഞ്ച് വരെ യു.എ.ഇ സന്ദര്ശനം നടത്തുന്ന ഫ്രാന്സിസ് മാര്പാപ്പയുടെ പൊതു പരിപാടിയില് സംബന്ധിക്കാനുള്ള രജിസ്ട്രേഷന് നാളെ അവസാനിക്കും. അബൂദബി സായിദ് സ്പോര്ട്സ് സിറ്റിയില് ഫെബ്രുവരി അഞ്ചിനാണ് പൊതുപരിപാടി സംഘടിപ്പിച്ചിരിക്കുന്നത്. രജിസ്റ്റര് ചെയ്ത 120,000 പേര്ക്കാണ് പരിപാടിയില് പങ്കെടുക്കാന് അവസരം ലഭിക്കുക. ഓണ്ലൈനിലൂടെയും വിവിധ എമിറേറ്റുകളിലെ െ്രെകസ്തവ ദേവാലയങ്ങളിലൂടെയും രജിസ്റ്റര് ചെയ്യാം.
അതേസമയം, ചില ചര്ച്ചുകള് മുഖേനയുള്ള രജിസ്ട്രേഷന് അവസാനിച്ചിട്ടുണ്ട്. മറ്റു ചിലതില് ഇന്ന് അവസാനിക്കും. ഓണ്ലൈന് അപേക്ഷകളില്നിന്ന് തെരഞ്ഞെടുക്കപ്പെടുന്നവര്ക്ക് സായിദ് സ്പോര്ട്സ് സിറ്റിയുടെ പ്രവേശന കവാടത്തില്നിന്ന് ബാര്കോഡ് ടിക്കറ്റ് ലഭിക്കും. യുഎഇ, ഒമാന്, യമന് തുടങ്ങിയ രാജ്യങ്ങളിലെ കത്തോലിക്കാ വിശ്വാസികള്ക്കാണ് ടിക്കറ്റ് അനുവദിക്കുന്നതില് മുന്ഗണന നല്കുന്നത്. കുവൈത്ത്, ഖത്തര്, ബഹ്റൈന്, സൗദി തുടങ്ങി വടക്കന് അറേബ്യന് രാജ്യങ്ങളില്നിന്നുള്ളവര്ക്കും നിശ്ചിത സീറ്റ് ലഭിക്കും.
യു.എ.ഇയിലെ ഒമ്പത് പാരിഷുകള്ക്ക് അനുവദിച്ച ടിക്കറ്റുകള് അതത് ചര്ച്ചുകളിലാണ് എത്തുക. യു.എ.ഇ, ഒമാന് രാജ്യങ്ങളിലുള്ള വിശ്വാസികള് അതത് സഭ മുഖേനയാണ് രജിസ്റ്റര് ചെയ്യേണ്ടത്. അബൂദബി സെന്റ് ജോഫസ് ചര്ച്ചിലെ രജിസ്ട്രേഷന് ഇന്ന് അവസാനിക്കും. ജിസിസിക്ക് പുറത്തുള്ളവര്ക്ക് നാളെ വരെ രജിസ്റ്റര് ചെയ്യാന് അവസരമുണ്ട്. അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാന്ഡറുമായ ശൈഖ് മുഹമ്മദ് ബിന് സായിദ് ആല് നഹ്യാന്റെ ക്ഷണം സ്വീകരിച്ചെത്തുന്ന മാര്പാപ്പയെ ഫെബ്രുവരി മൂന്നിന് രാത്രി പത്തിന് അബൂദബി അല്ബത്തീന് പ്രസിഡന്ഷ്യല് വിമാനത്താവളത്തില് രാഷ്ട്ര നേതാക്കളും മതപുരോഹിതരും ചേര്ന്ന് സ്വീകരിക്കും. ഫെബ്രുവരി നാലിന് ഉച്ചക്ക് 12ന് പ്രസിഡന്ഷ്യല് കൊട്ടാരത്തില് സ്വീകരണം നല്കും. 12.20ന് ശൈഖ് മുഹമ്മദ് ബിന് സായിദുമായി മാര്പാപ്പ ചര്ച്ച നടത്തും. വൈകുന്നേരം അഞ്ചിന് ശൈഖ് സായിദ് ഗ്രാന്ഡ് മോസ്ക് സന്ദര്ശിക്കുന്ന മാര്പാപ്പ മുസ്ലിം കൗണ്സില് അംഗങ്ങളുമായി കൂടിക്കാഴ്ച നടത്തും. 6.10ന് ഫൗണ്ടേഴ്സ് മെമോറിയലില് നടക്കുന്ന മതാന്തര സമ്മേളനത്തിലും മാര്പാപ്പ പങ്കെടുക്കും.
https://www.facebook.com/Malayalivartha