സൗദിയിലെ ഇന്ത്യന് സ്കൂളുകള്ക്ക് വേനലവധി ജൂലൈ മുതല് ...
സൗദി അറേബ്യയിലെ ഇന്റര്നാഷണല് ഇന്ത്യന് സ്കൂളുകളുടെ വേനല് അവധി ജൂലൈ മുതല് ആരംഭിക്കും. പുതിയ അധ്യായന വര്ഷം സെപ്തംബറില് തുടങ്ങുമെന്നും അധികൃതര് അറിയിച്ചു. റിയാദ്, ജിദ്ദ, ദമാം എന്നിവിടങ്ങളിലെ ഇന്റര്നാഷണല് ഇന്ത്യന് സ്കൂളുകളുടെ വേനലവധി ജൂലൈ ഏഴു മുതല് ഓഗസ്റ്റ് 31 വരെ ആയിരിക്കും. സെപ്റ്റംബര് ഒന്നിന് സ്കൂള് തുറക്കും.
സി.ബി.എസ്.ഇ അംഗീകാരമുളള രാജ്യത്തെ മുഴുവന് ഇന്ത്യന് സ്കൂളുകളും ജൂലൈ, ഓഗസ്റ്റ് മാസങ്ങളിലാണ് വേനലവധി. അതേസമയം, ഈ വര്ഷം മാര്ച്ചില് വാര്ഷിക പരീക്ഷ കഴിഞ്ഞാല് ഇന്ത്യയിലേക്ക് കൂടുതല് വിദ്യാര്ഥികള് മടങ്ങുമെന്നാണ് പ്രതീക്ഷിക്കുന്നത്. ആശ്രിത ലെവി നിലവില് വന്നതോടെ ഇടത്തരം വരുമാനക്കാരായവര്ക്ക് ചിലവ് താങ്ങാന് കഴിയാത്ത സാഹചര്യമാണ് നിലവിലുളളത്.
കഴിഞ്ഞ രണ്ട് വര്ഷമായി സൗദിയിലെ ഇന്ത്യന് സ്കൂളുകളില് നിന്ന് 20 മുതല് 30 ശതമാനം വരെ വിദ്യാര്ഥികള് കൊഴിഞ്ഞുപോയിരുന്നു. ഈ അധ്യായന വര്ഷം കഴിയുന്നതോടെ 30 ശതമാനം വിദ്യാര്ഥികളെങ്കിലും മാതൃരാജ്യങ്ങളിലേക്ക് മടങ്ങുമെന്നാണ് കരുതുന്നത്.
https://www.facebook.com/Malayalivartha
