ധനവിനിമയത്തിന്റെ ചെലവ് കുറക്കുക എന്ന ലക്ഷ്യത്തോടെ സൗദി അറേബ്യയും യു.എ.ഇയും തമ്മിലുള്ള ഇടപാടുകള്ക്ക് ഏകീകൃത ഡിജിറ്റല് കറന്സി
സൗദി അറേബ്യയും യു.എ.ഇയും തമ്മിലുള്ള ഇടപാടുകള്ക്ക് ഏകീകൃത ഡിജിറ്റല് കറന്സി പ്രഖ്യാപിച്ചു. 'അബീര്' എന്ന പേരിലാണ് ബ്ലോക് ചെയിന് അടിസ്ഥാനമായ കറന്സി ഉപയോഗിക്കുക. സൗദി അറേബ്യന് മോണിറ്ററി അതോറിറ്റി, യു.എ.ഇ സെന്ട്രല് ബാങ്ക് എന്നിവയാണ് അബീര് എന്ന പേരില് ഡിജിറ്റല് കറന്സി പ്രഖ്യാപിച്ചത്.ഇരു രാജ്യങ്ങള്ക്കുമിടയിലെ ധനവിനിമയത്തിനായിരിക്കും തുടക്കത്തില് ഈ ഡിജിറ്റല് കറന്സി ഉപയോഗിക്കുക.
സംവിധാനം നിലവില് വന്ന ശേഷം ഇതിന്റെ ഗുണദോഷങ്ങളെ കുറിച്ച് പഠിക്കാനാണ് തീരുമാനം. യു.എ.ഇ-സൗദി ധനവിനിമയത്തിന്റെ ചെലവ് കുറക്കുകയാണ് അബീറിന്റെ പ്രാഥമിക ലക്ഷ്യം. യു.എ.ഇയിലെയും സൗദിയിലെയും തെരഞ്ഞെടുക്കപ്പെട്ട ബാങ്കുകള്ക്ക് മാത്രമായിരിക്കും ഇതില് ഇടപാടുകള് സാധ്യമാവുക.
സാങ്കേതിക പ്രശ്നങ്ങളൊന്നും നേരിടുന്നില്ലെങ്കില് നിയമനിര്മാണം നടത്തി കൂടുതല് ഇടപാടുകള് ഇതുവഴിയാക്കുമെന്ന് യു.എ.ഇ സെന്ട്രല് ബാങ്ക് അധികൃതര് പറഞ്ഞു.
https://www.facebook.com/Malayalivartha
