പൂക്കളുടെ നിറക്കാഴ്ചയൊരുക്കി പതിമൂന്നാമത് യാമ്പു പുഷ്പോല്സവത്തിന് സൗദിയില് നാളെ തുടക്കം
പൂക്കളുടെ നിറക്കാഴ്ചയൊരുക്കി പതിമൂന്നാമത് യാമ്പു പുഷ്പോല്സവത്തിന് അല് മുനാസബാത്ത് ഉദ്യാനത്തില് നാളെ തുടക്കമാവും.
ചാരുതയേറിയ പൂക്കളുടെ വിസ്മയിപ്പിക്കുന്ന കാഴ്ചകള് ഒരുക്കിയതോടൊപ്പം സൗദിയുടെ സാംസ്കാരിക തനിമ വിളിച്ചോതുന്ന അപൂര്വ കാഴ്ചകള് സന്ദര്ശകര്ക്ക് പകരും വിധമാണ് പുഷ്പ നഗരി ഒരുക്കിയിക്കുന്നത്.
സ്ട്രോബെറി പാര്ക്ക്, റീ സൈക്കിള് ഗാര്ഡന്, ചില്ഡ്രന്സ് പാര്ക്ക്, ഉല്ലാസ കേന്ദ്രങ്ങള്, പക്ഷികളുടെയും ചിത്രശലഭങ്ങളുടെയും പാര്ക്കുകള്, ഫുഡ് കോര്ട്ടുകള് തുടങ്ങിയവ ഒരുക്കിയിട്ടുണ്ട്. രാത്രി ദൃശ്യം വര്ണാഭമാക്കാന് കണ്ണഞ്ചിപ്പിക്കുന്ന ലേസര് വെളിച്ചത്തിന്റെയും അലങ്കാര വിളക്കുകളുടെയും വിസ്മയവിന്യാസവുമുണ്ട്.
നഗരിയില് പൂച്ചെടികളുടെയും വിത്തു തൈകളുടെയും പ്രദര്ശനവും വില്പനയും ഉണ്ടാവും. വിദേശ രാജ്യങ്ങളിലെ പ്രശസ്ത കമ്പനികളുടെ സ്റ്റാളുകളും യാമ്പുവിലെ വിവിധ സ്ഥാപനങ്ങളുടെ പവലിയനുകളും ഒരുക്കിയിട്ടുണ്ട്. ഉദ്ഘാടനത്തിന് ശേഷം വൈകുന്നേരം നാല് മുതല് 10 വരെ സന്ദര്ശകര്ക്ക് സൗജന്യമായി മേള കാണാം.
https://www.facebook.com/Malayalivartha
