യുദ്ധ ഭീതിയില് പാകിസ്താനിലേക്കുള്ള വിമാനസര്വീസുകള് നിര്ത്തിവെച്ച് ഗള്ഫ് രാജ്യങ്ങള്... ആഭ്യന്തര, അന്താരാഷ്ട്ര വ്യോമപാതകള് പാകിസ്താന് അടച്ചതായി പ്രഖ്യാപിച്ച സാഹചര്യത്തിലാണ് തീരുമാനം
യുദ്ധ ഭീതിയില് പാകിസ്താനിലേക്കുള്ള വിമാനസര്വീസുകള് നിര്ത്തിവെച്ച് ഗള്ഫ് രാജ്യങ്ങള്. ആഭ്യന്തര, അന്താരാഷ്ട്ര വ്യോമപാതകള് പാകിസ്താന് അടച്ചതായി പ്രഖ്യാപിച്ച സാഹചര്യത്തിലാണ് തീരുമാനം. ഇനിയൊരു അറിയിപ്പുണ്ടാകുന്നത് വരെ പാകിസ്താനിലേക്കുള്ള മുഴുവന് സര്വീസുകളും നിര്ത്തുകയാണെന്നാണ് യു.എ.ഇ സിവില് ഏവിയേഷന് അതോറിറ്റി അറിയിപ്പില് പറയുന്നത്. ദേശീയ വിമാനങ്ങളുടെയും യാത്രക്കാരുടെയും സുരക്ഷകണക്കിലെടുത്താണ് നടപടി.
കുവൈത്ത് എയര്വേയ്സിന്റെ ലാഹോര്, ഇസ്ലാമാബാദ് സര്വിസുകള് മറ്റൊരു അറിയിപ്പുണ്ടാകുന്നതുവരെ നിര്ത്തിവെച്ചു. കുവൈത്ത് എയര്വേയ്സ് കമ്പനി അധികൃതര് ടിറ്റ്വറിലൂടെയാണ് ഇക്കാര്യം അറിയിച്ചത്. പാകിസ്താന് തങ്ങളുടെ വ്യോമ മേഖല അടച്ചതിനെ തുടര്ന്നാണ് സര്വിസുകള് തല്ക്കാലത്തേക്ക് നിര്ത്തിവെക്കുന്നതെന്ന് അധികൃതര് വ്യക്തമാക്കി.
സൗദി എയര്ലൈന്സ് പാകിസ്താനിലേക്കുള്ള എല്ലാ വിമാനങ്ങളും റദ്ദാക്കി. ആഭ്യന്തര, അന്താരാഷ്ട്ര വ്യോമപാതകള് പാകിസ്താന് അടച്ചതായി പ്രഖ്യാപിച്ച സാഹചര്യത്തിലാണ് സൗദിയയുടെ തീരുമാനം. ഇന്ത്യയുമായി പ്രശ്നം രൂക്ഷമായ സാഹചര്യത്തിലാണ് വ്യോമ മേഖല പാകിസ്താന് അടച്ചത്. സര്വീസുകള് എന്ന് പുരാരംഭിക്കും എന്നത് സംബന്ധിച്ച് വ്യക്തതയില്ല.
അതുപോലെതന്നെ പാകിസ്താനിലേക്കുള്ള മുഴുവന് വിമാന സര്വീസുകളും നിര്ത്തി വച്ചതായി ഖത്തര് എയര്വേയ്സും ഖത്തര് സിവില് ഏവിയേഷന് അതോറിറ്റിയും അറിയിച്ചു. പാകിസ്താന് വഴിയുള്ള വ്യോമപാത അടച്ചതിനെ തുടര്ന്നായിരുന്നു ഖത്തര് എയര്വേയ്സിന്റെയും നടപടി.
യാത്രക്കാരുടെയും വിമാനങ്ങളുടെയും സുരക്ഷ മുന് നിര്ത്തിയാണ് ഖത്തര് സിവില് ഏവിയേഷന് അതോറിറ്റിയുടെയും ഖത്തര് എയര്വേയ്സിന്റെയും നടപടി. ഇനിയൊരറിയിപ്പുണ്ടാകുന്നത് വരെ പാകിസ്താനിലേക്കുള്ള മുഴുവന് സര്വീസുകളും നിര്ത്തിവെക്കുന്നതായാണ് അറിയിപ്പ്. ഹമദ് ഇന്റര്നാഷണല് എയര്പോര്ട്ട് വെബ്സൈറ്റില് ഫ്ലൈറ്റ് അലേര്ട്ട് പുറപ്പെടുവിച്ചിട്ടുണ്ട്.
കറാച്ചി, പെഷവാര്, ലാഹോര്, ഫൈസലാബാദ്, മുള്ട്ടാന്, സിയാല്കോട്ട് എന്നിവിടങ്ങളിലേക്കാണ് നിലവില് ഖത്തറില് നിന്നും സര്വീസുകളുള്ളത്. തങ്ങളുടെ മേഖല വഴിയുള്ള വ്യോമപാത പാകിസ്താന് അടച്ചതിനെ തുടര്ന്നാണ് ഖത്തര് എയര്വേയ്സിന്റെ നടപടി.
https://www.facebook.com/Malayalivartha
