വിദേശ തീര്‍ഥാടകര്‍ക്ക് ഹജ്ജ്, ഉംറ വിസകള്‍ ഓണ്‍ലൈന്‍ വഴി ലഭിക്കാനുള്ള സേവനം ലഭ്യമാക്കുമെന്ന് സൗദി ഹജ്ജ്, ഉംറ മന്ത്രാലയം
വിദേശ തീര്‍ഥാടകര്‍ക്ക് ഹജ്ജ്, ഉംറ വിസകള്‍ ഓണ്‍ലൈന്‍ വഴി ലഭിക്കാനുള്ള സേവനം ലഭ്യമാക്കുമെന്ന് സൗദി ഹജ്ജ്, ഉംറ മന്ത്രാലയം വ്യക്തമാക്കി. എം ബി സി ചാനലിന് നല്‍കിയ അഭിമുഖത്തില്‍ മന്ത്രാലയത്തിലെ ഓണ്‍ലൈന്‍ സേവന വിഭാഗം സൂപ്പര്‍വൈസര്‍ അബ്ദുറഹ്മാന്‍ അല്‍ ഷംസാണ് ഇക്കാര്യം വ്യക്തമാക്കിയത്. ഹജ്ജ്, ഉംറ മന്ത്രാലയം വിദേശകാര്യ മന്ത്രാലയവുമായി സഹകരിച്ചാണ് ഓണ്‍ലൈന്‍ സേവനം ഉറപ്പുവരുത്തുന്നത്.
മതിയായ രേഖകളുള്ളവര്‍ ആവശ്യമായ വിവരങ്ങള്‍ ഓണ്‍ലൈന്‍ വഴി നല്‍കിയാല്‍ നിമിഷങ്ങള്‍ക്കകം വിസ ലഭിക്കുന്നതായിരിക്കും പുതിയ രീതി. നിലവില്‍ വിദേശ ഏജന്‍സികള്‍ വഴി എംബസിയില്‍ നിന്ന് വിസ ലഭിക്കുന്ന രീതിയാണ് തുടരുന്നത്. എന്നാല്‍ വിദേശ എംബസിയെയോ ഏജന്‍സിയെയോ സമീപിക്കേണ്ടതില്ല എന്നത് ഓണ്‍ലൈന്‍ വിസ സംവിധാനത്തിന്റെ പ്രത്യേകതയാണ്.
സൗദി ഹജ്ജ്, ഉംറ മന്ത്രാലയത്തിന്റെ പോര്‍ട്ടലില്‍ ലഭ്യമായ സേവനങ്ങളും സൗദിയില്‍ സേവനം ചെയ്യുന്ന സ്ഥാപനവും തീര്‍ത്ഥാടകര്‍ക്ക് തെരഞ്ഞെടുക്കാന്‍ സാധിക്കും.
https://www.facebook.com/Malayalivartha
