കുവൈത്തില്‍ അനധികൃത താമസക്കാരെ പിടികൂടി നാടുകടത്തുന്നതിനു വ്യാപക പരിശോധന അധികൃതര്‍ ആസൂത്രണം ചെയ്യുന്നു. അനധികൃത താമസക്കാരായി ഒന്നര ലക്ഷത്തോളം ആളുകള്‍ ഉണ്ടായ സാഹചര്യത്തിലാണു കഴിഞ്ഞ വര്‍ഷം മാസങ്ങള്‍ നീണ്ട പൊതുമാപ്പ് അനുവദിച്ചത്. അരലക്ഷത്തോളം പേര്‍ പൊതുമാപ്പ് ആനുകൂല്യം പ്രയോജനപ്പെടുത്തിയെന്നാണ് കണക്ക്. എന്നിട്ടും അനധികൃത താമസക്കാരുടെ എണ്ണം 120000 ല്‍ എത്തിനില്‍ക്കുന്നത് ഗൗരവമായി കാണുകയാണ് അധികൃതര്‍.
അനധികൃത താമസക്കാരില്‍ നിയമലംഘകരായി 10 വര്‍ഷത്തിലേറെ കുവൈത്തില്‍ കഴിയുന്നവര്‍ വരെയുണ്ടെന്നാണു കണക്കാക്കുന്നത്.