ഒമാനിലെ വിദേശികള്‍ക്ക് തൊഴില്‍ വിസ പുതുക്കുന്നതിന് നെഞ്ചിന്റെ എക്‌സ്‌റേ റിപ്പോര്‍ട്ട് നിര്‍ബന്ധമാക്കി
ഒമാനിലെ വിദേശികള്‍ക്ക് തൊഴില്‍ വിസ പുതുക്കുന്നതിന്റെ നെഞ്ചിന്റെ എക്‌സ്‌റേ റിപ്പോര്‍ട്ട് നിര്‍ബന്ധമാക്കി. ഏപ്രില്‍ ഒന്നു മുതലാണ് നിയമം പ്രാബല്യത്തില്‍ വന്നത്. ഇത് പ്രകാരം വിസ പുതുക്കുന്നതിന്റെ ഭാഗമായ മെഡിക്കല്‍ പരിശോധനക്കും രക്തപരിശോധനക്കും പോവുമ്പോള്‍ നെഞ്ചിന്റെ എക്‌സ്‌റേ റിപ്പോര്‍ട്ടുകൂടി സമര്‍പ്പിക്കേണ്ടി വരും.
മെഡിക്കല്‍ പരിശോധന കേന്ദ്രങ്ങളില്‍ പോകുന്നതിന് മുമ്പ് അംഗീകൃത സ്വകാര്യ മെഡിക്കല്‍ സെന്ററുകളില്‍ നിന്നാണ് എക്‌സറേ എടുക്കേണ്ടത്. നിലവില്‍ ഇതിന് ഏകീകൃത ഫീസ് ഏര്‍പ്പെടുത്തിയിട്ടില്ല. പല സ്ഥാപനങ്ങളും പത്ത് റിയാലാണ് ഈടാക്കുന്നത്. ഇതില്‍ കുറഞ്ഞ ഫീസ് ഈടാക്കുന്ന സ്ഥാപനങ്ങളുമുണ്ട്.
നിലവില്‍ വിസ മെഡിക്കല്‍ സൗകര്യമുള്ള എല്ലാ മെഡിക്കല്‍ സെന്ററുകളില്‍ നിന്നും എക്‌സ്‌റേ എടുക്കാം. എക്‌സ്‌റേ എടുക്കുന്നവരുടെ ഫോേട്ടായും വിരലടയാളവും അംഗീകൃത സ്വകാര്യ മെഡിക്കല്‍ സന്റെറുകളില്‍ രേഖപ്പെടുത്തും. അപേക്ഷകന്റെ എക്‌സ്‌റേ തന്നെയാണിതെന്ന് ഉറപ്പ് വരുത്താനാണ് ഫോേട്ടായും വിരലടയാളവും രേഖപ്പെടുത്തുന്നത്. രണ്ട് വര്‍ഷത്തില്‍ വിസ പുതുക്കുേമ്പാഴെല്ലാം എക്‌സ്‌റേയും എടുക്കണം. വിസ പുതുക്കുന്നതിനുള്ള ചെലവില്‍ പത്ത് റിയാല്‍കൂടി അധികമായി വരുകയും ചെയ്യും.
ബദര്‍ അല്‍സമ ആശുപത്രിയുടെ ഒമാനിലെ എല്ലാ ശാഖകളിലും വിസക്കുള്ള എക്‌സ്‌റേ സൗകര്യം ഒരുക്കിയിട്ടുണ്ടെന്ന് റൂവി ബദര്‍ അല്‍ സമാ ആശുപത്രി അധികൃതര്‍ പറഞ്ഞു. വളരെ വേഗത്തില്‍ ലഭ്യമാകുന്ന രീതിയിലാണ് ഇതെന്നും അധികൃതര്‍ പറഞ്ഞു.മബേല അല്‍ സലാമ പോളി ക്ലിനിക്കില്‍ എക്‌സ്‌റേ എടുക്കാന്‍ സൗകര്യമുണ്ടെന്ന് മാനേജിങ് ഡയറക്ടര്‍ സിദ്ദീഖ് പറഞ്ഞു. എക്‌സ്‌റേ എടുക്കാന്‍ വരുന്നവര്‍ പാസ്‌പോര്‍ട്ടുകള്‍ കൊണ്ടവരുന്നത് സൗകര്യമായിരിക്കുമെന്നും അദ്ദേഹം പറഞ്ഞു.
എന്‍.എം.സി ആശുപത്രിയുടെ അല്‍ ഗൂബ്ര, സീബ് ശാഖകളിലാണ് എക്‌സ്‌റേക്ക് സൗകര്യമുള്ളതെന്ന് മാര്‍ക്കറ്റിങ് മാനേജര്‍ അനീസ് പറഞ്ഞു. നിലവില്‍ അതേദിവസം തന്നെ റിപ്പോര്‍ട്ടുകള്‍ നല്‍കുന്നതായും അദ്ദേഹം പറഞ്ഞു. അല്‍ അബീര്‍ ആശുപത്രിയില്‍ നിലവില്‍ വിസ മെഡിക്കലിനും എക്‌സ്‌റേക്കും സൗകര്യമില്ല. എന്നാല്‍, തങ്ങള്‍ സര്‍ക്കാറില്‍നിന്ന് അംഗീകാരം നേടാനുള്ള ശ്രമത്തിലാണെന്നും ഉടന്‍തന്നെ ഈ സൗകര്യം ഒരുക്കാന്‍ കഴിയുമെന്നാണ് പ്രതീക്ഷിക്കുന്നതെന്നും മാര്‍ക്കറ്റിങ് വിഭാഗത്തിെല അഷിത പറഞ്ഞു. വിസ നടപടി ക്രമങ്ങള്‍ക്ക് എക്‌സറേ കൂടി നിര്‍ബന്ധമാക്കിയത് അറിയാതെ നിരവധി പേര്‍ നിത്യവും വിസ മെഡിക്കല്‍ പരിശോധന കേന്ദ്രങ്ങളില്‍ പോയി മടങ്ങുന്നുണ്ട്.
"
https://www.facebook.com/Malayalivartha
