കുവൈത്തില് മരുന്നുകള്ക്കും ചികിത്സാ ഉപകരണങ്ങള്ക്കും ബാര്കോഡ് സംവിധാനം നടപ്പാക്കുന്നു
കുവൈത്തില് മരുന്നുകള്ക്കും ചികിത്സാ ഉപകരണങ്ങള്ക്കും ബാര്കോഡ് സംവിധാനം നടപ്പാക്കുന്നു. ഇതിനായി ജി.എസ്1 ഫൗണ്ടേഷനുമായി ആരോഗ്യമന്ത്രാലയം ധാരണപത്രത്തില് ഒപ്പുവെച്ചു. വ്യാജമരുന്നുകളുടെ വ്യാപനം തടയാനാണ് പുതിയ സംവിധാനം. മരുന്നുകളും ചികിത്സയുമായി ബന്ധപ്പെട്ട മറ്റു ഉല്പന്നങ്ങളുടെയും നീക്കം സുതാര്യമാക്കാന് കേന്ദ്രീകൃത ബാര്കോഡ് സംവിധാനം സഹായകമാകുമെന്നാണ് ആരോഗ്യമന്ത്രാലയത്തിന്റെ പ്രതീക്ഷ. ഉല്പാദകരില് നിന്ന് ഉപയോക്താക്കളില് എത്തുന്നതുവരെയുള്ള ക്രയവിക്രയങ്ങള് നിരീക്ഷിക്കാനും വ്യാജമരുന്നുകള് വിപണിയിലെത്തുന്നത് തടയാനും സംവിധാനം വഴി സാധിക്കുമെന്ന് ആരോഗ്യമന്ത്രാലയത്തിലെ മെഡിസിന് കണ്ട്രോള് വിഭാഗം മേധാവി ഡോ. അബ്ദുല്ല അല് ബദര് പറഞ്ഞു.
മരുന്നുകളുടെ ഗുണനിലവാരം ഉറപ്പാക്കാനും ആവശ്യമുള്ള ഘട്ടങ്ങളില് മരുന്നുകള് പിന്വലിക്കണമെങ്കിലും കേന്ദ്രീകൃത ബാര്കോഡ് സഹായകമാകും. അന്താരാഷ്ട്ര ഏജന്സിയായ ജി.എസ്1 ഫൗണ്ടേഷന്റെ സഹായത്തോടെയാണ് പദ്ധതി നടപ്പാക്കുന്നത്.
"
https://www.facebook.com/Malayalivartha
