വിശുദ്ധ റമദാന്‍ പടിവാതിലില്‍ക്കലെത്തി നില്‍ക്കെ മുനിസിപ്പാലിറ്റി പരിസ്ഥിതി മന്ത്രാലയം സംഘടിപ്പിക്കുന്ന ഈത്തപ്പഴമേള ഇന്ന് മുതല്‍ വിശുദ്ധ റമദാന്‍ പടിവാതിലില്‍ക്കലെത്തി നില്‍ക്കെ മുനിസിപ്പാലിറ്റി പരിസ്ഥിതി മന്ത്രാലയം സംഘടിപ്പിക്കുന്ന ഈത്തപ്പഴമേള ഇന്ന് മുതല്‍ സൂഖ് വാഖിഫില്‍ ആരംഭിക്കും. സൂഖിലെ കൂറ്റന്‍ ടെന്റില്‍ 11 ദിവസം നീണ്ടുനില്‍ക്കുന്ന മേളയും പ്രദര്‍ശനവും മെയ് 4ന് അവസാനിക്കും. റമദാനിലെ ഈത്തപ്പഴത്തിെന്റ വര്‍ധിച്ച ആവശ്യം നിറവേറ്റുകയാണ് ലക്ഷ്യം. റമദാെന്റ മുന്നോടിയായി ഇതാദ്യമായാണ് അന്താരാഷ്ട്രതലത്തില്‍ ഈത്തപ്പഴമേളയും പ്രദര്‍ശനവും സംഘടിപ്പിക്കുന്നത്.
വ്യത്യസ്ത രുചികളിലും ഇനങ്ങളിലുമുള്ള പ്രാദേശികവും അന്തര്‍ദേശീയവുമായ 150ഓളം വരുന്ന സ്റ്റാളുകളാണ് സന്ദര്‍ശകര്‍ക്കായി കാത്തിരിക്കുന്നത്.89 പ്രാദേശിക കമ്പനികളും 59 വിദേശകമ്പനികളും അണിനിരക്കുന്ന പ്രഥമ രാജ്യാന്തര ഈത്തപ്പഴമേളയില്‍ 10 രാജ്യങ്ങളില്‍ നിന്നുള്ള ഈത്തപ്പഴങ്ങളാണ് പ്രദര്‍ശനത്തിനും വില്‍പനക്കുമായി എത്തുന്നത്.
റമദാന് മുമ്പായി കൂടുതല്‍ ഇനങ്ങളിലുള്ള ഈത്തപ്പഴങ്ങളെ പരിചയപ്പെടുത്തുന്നതോടൊപ്പം റമദാനിലെ ആവശ്യങ്ങള്‍ നിറവേറ്റുകയുമാണ് മേളയിലൂടെ ലക്ഷ്യമിടുന്നതെന്നും മന്ത്രാലയത്തിലെ കാര്‍ഷികവിഭാഗം ഡയറക്ടര്‍ യൂസുഫ് ഖാലിദ് അല്‍ ഖുലൈഫി പറഞ്ഞു.

കാര്‍ഷിക വകുപ്പാണ് മേളയുടെ സംഘാടകര്‍. രാജ്യത്തെ ഈത്തപ്പഴം ഉല്‍പാദനം വര്‍ഷത്തില്‍ 29000 ടണ്‍ എത്തുന്നുണ്ട്. പ്രാദേശിക മാര്‍ക്കറ്റുകളിലെ 86 ശതമാനത്തിനും ഇത് മതിയാകും. രാജ്യാന്തര കമ്പനികള്‍ക്ക് തങ്ങളുടെ ഉല്‍പന്നങ്ങള്‍ വിപണിയിലെത്തിക്കാനും പ്രദര്‍ശിപ്പിക്കാനുമുള്ള സുവര്‍ണാവസരം കൂടിയാണ് മേളയിലൂടെ ഒരുക്കുന്നതെന്നും അദ്ദേഹം വ്യക്തമാക്കി.