കാറിന്റെ മരണപ്പാച്ചില്... 12 ചുവപ്പ് സിഗ്നലുകള് ലംഘിച്ച് 160കിലോമീറ്റര് വേഗതയില് വാഹനമോടിച്ച അറബ് യുവാവിനെ പിടികൂടാനായി നിരത്തിലിറക്കിയത് 10 പട്രോളിങ് സംഘത്തെ
ഒരു പക്ഷെ സിനിമകളില് മാത്രം കണ്ടു ശീലിച്ചതായിരിക്കും വലിയ സിറ്റികളില് വാഹനവുമെടുത്ത സൂപ്പര് സ്റ്റൈലില് കറക്കം അത്തരത്തില് ഒരു യുവാവ് അജ്മാനില്നിന്നും ഷാര്ജയിലേക്ക് പ്രാഡോ കാറില് കുതിച്ചുപാഞ്ഞത് 160 കിലോമീറ്റര് സ്പീഡിലാണ്. ഈ യുവാവിനെ 10 പട്രോളിങ് സംഘത്തെ നിരത്തിലിറക്കിയാണ് 12 റെഡ് സിഗ്നലുകള് ലംഘിച്ച് 160 കിലോമീറ്റര് വേഗതയില് ഷാര്ജയിലെ റോഡുകളില് വാഹനമോടിച്ച അറബ് യുവാവിനെ ഒടുവില് പോലീസ് പിടികൂടിയത്. ഷാര്ജ പോലീസ് സാഹസികമായാണ് ഈ യുവാവിനെ പിടികൂടി അറസ്റ്റ് ചെയ്തത്.
ഒട്ടേറെ മുന്നറിയിപ്പ് നല്കിയിട്ടും അതെല്ലാം അവഗണിച്ച് ഡ്രൈവര് മുന്നോട്ടുനീങ്ങുകയായിരുന്നു. ബുധനാഴ്ച ഷാര്ജ ക്രിമിനല് കോടതിയില് ഹാജരാക്കിയ യുവാവിന് കോടതി ആറുമാസം തടവുശിക്ഷ വിധിച്ചു.മരണപ്പാച്ചിലില് രണ്ടുപേര്ക്ക് നിസ്സാര പരിക്കേറ്റിരുന്നു. മൂന്നു വാഹനങ്ങളിലിടിച്ച് അപകടമുണ്ടായി. കാറിന്റെ മരണപ്പാച്ചിലിനെക്കുറിച്ച് വിവരം ലഭിച്ചതിനെത്തുടര്ന്ന് പോലീസ് പട്രോളിങ് സംഘം വാഹനത്തെ പിന്തുടര്ന്നു. മുന്നറിയിപ്പ് നല്കിയിട്ടും 12 ചുവപ്പ് സിഗ്നലുകള് ലംഘിച്ച് കാര് അതിവേഗതയില് മുന്നോട്ടുനീങ്ങുകയായിരുന്നു. തുടര്ന്ന് കൂടുതല് പട്രോള് സംഘത്തെകൂടി രംഗത്തിറക്കിയാണ് യുവാവിനെ പിടികൂടാനായത്. അറസ്റ്റ് ചെയ്യാന് ചെന്ന പോലീസ് ഓഫീസറെയും ഡ്രൈവര് അപായപ്പെടുത്താന് ശ്രമിച്ചു. പ്രാഡോയുടെ ടയറുകളിലേക്ക് വെടിയുതിര്ത്താണ് പോലീസ് ഇയാളെ അറസ്റ്റുചെയ്തത്.
പാഞ്ഞുവന്ന കാറിന് മുന്നില് നിന്ന് രണ്ട് പേരുടെ ജീവന് തലനാരിഴയ്ക്കാണ് രക്ഷപെട്ടത്. മൂന്ന് വാഹനങ്ങളില് ഇടിച്ച് അപകടമുണ്ടാക്കുകയും ചെയ്തു. അജ്മാനില് നിന്ന് ഷാര്ജയിലേക്ക് കുതിച്ചുപായുകയായിരുന്ന കാറിനെക്കുറിച്ച് വിവരം ലഭിച്ചതിന്റെ അടിസ്ഥാനത്തില് ഷാര്ജ ഇന്ഡസ്ട്രിയല് ഏരിയയില് നിന്ന് ഒരു പൊലീസ് പട്രോള് വാഹനം കാറിനെ പിന്തുടര്ന്നു. പൊലീസ് മുന്നറിയിപ്പ് നല്കുകയും കാര് നിര്ത്താന് ആവശ്യപ്പെടുകയും ചെയ്തെങ്കിലും ഡ്രൈവര് തയ്യാറായില്ല. 12 ചുവപ്പ് സിഗ്നലുകള് ലംഘിച്ച് ഇയാള് അമിത വേഗത്തില് മുന്നോട്ടുനീങ്ങി.
കാറില് ഡ്രൈവര്ക്കൊപ്പം മുന്സീറ്റില് മറ്റൊരാളുമുണ്ടായിരുന്നു.തുടര്ന്ന് പൊലീസ് ഓപ്പറേഷന്സ് റൂമില് നിന്നുള്ള നിര്ദേശമനുസരിച്ച് 10 പട്രോള് വാഹനങ്ങള് കൂടി സ്ഥലത്തേക്ക് കുതിച്ചു. റോഡില് പൊലീസ് വാഹനങ്ങള് തീര്ത്ത പ്രതിരോധത്തില് നിന്ന് പുറത്തുകടക്കാനാവാതെ വന്നതോടെ റോഡരികിലെ കോണ്ക്രീറ്റ് ഭിത്തിയിലേക്ക് ഇയാള് കാര് ഇടിച്ചുകയറ്റി. അറസ്റ്റ് ചെയ്യാനായി പൊലീസ് പട്രോള് ഓഫീസര് അടുത്തേക്ക് ചെന്നപ്പോള് ഇയാള് വീണ്ടും വാഹനം ഓടിച്ച് ഉദ്യോഗസ്ഥന അപായപ്പെടുത്താന് ശ്രമിച്ചു. തുടര്ന്ന് കാറിന്റെ ടയറുകളിലേക്ക് നിറയൊഴിച്ചാണ് പൊലീസ് ഇയാള് രക്ഷപെടുന്നത് തടഞ്ഞത്.
പിന്നീട് വാഹനത്തില് നിന്ന് പുറത്തിറക്കി യുവാവിനെ വിലങ്ങണിയിച്ച് സ്റ്റേഷനിലെത്തിച്ചു. ചോദ്യം ചെയ്യലില് കുറ്റം സമ്മതിച്ച ഇയാള്, താന് പൊലീസ് പട്രോള് സംഘത്തില് നിന്ന് രക്ഷപെടാനാണ് ശ്രമിച്ചതെന്നും പറഞ്ഞു. എന്നാല് അറസ്റ്റ് ചെയ്യാനെത്തിയ ഉദ്യോഗസ്ഥരെ താന് തടയാന് ശ്രമിച്ചില്ലെന്ന് കാറിലുണ്ടായിരുന്ന രണ്ടാമന് പൊലീസിനോട് പറഞ്ഞു.
https://www.facebook.com/Malayalivartha
