പ്രവാസികൾക്ക് ​ഗുണകരമായ തീരുമാനമാണ് ഇപ്പോൾ ഒ​മാ​ന്‍ എ​യ​ര്‍ കൈക്കൊണ്ടിരിക്കുന്നത്. എ​ട്ട് ഇ​ന്ത്യ​ന്‍ ന​ഗ​ര​ങ്ങ​ളി​ലേ​ക്ക് സ​ര്‍വീസു​ക​ള്‍ വ​ര്‍ധി​പ്പി​ച്ചരിക്കുകയാണ്. കോ​ഴി​ക്കോ​ട്, കൊ​ച്ചി എന്നീ ന​ഗ​ര​ങ്ങ​ളും ഇതിൽ ഉൾപ്പെടുന്നു. യാ​ത്ര​ക്കാ​രു​ടെ എ​ണ്ണം കൂ​ടി​യ​തോ​ടെ​യാ​ണ്​ സ​മ്മ​ര്‍ ഷെ​ഡ്യൂ​ളി​ല്‍ കൂ​ടു​ത​ല്‍ സ​ര്‍​വീസു​ക​ള്‍ ഒ​മാ​ന്‍ എ​യ​ര്‍ ഒ​രു​ക്കി​യി​രി​ക്കു​ന്ന​ത്.

സ​ര്‍വീസു​ക​ള്‍ വ​ര്‍ധിക്കുമ്പോൾ നി​ല​വി​ലെ സ​ര്‍വീ​സ് സ​മ​യ​ങ്ങ​ളി​ലും മാ​റ്റം​ ഉണ്ടാകും.കോ​ഴി​ക്കോ​ട്, കൊ​ച്ചി, ബം​ഗ​ളൂ​രു, മും​ബൈ, ഡ​ല്‍ഹി, ഹൈ​ദ​രാ​ബാ​ദ്, ചെ​ന്നൈ സെ​ക്ട​റു​ക​ളി​ലേ​ക്ക് ഏ​ഴു വി​മാ​ന​ങ്ങ​ളും ഗോ​വ​യി​ലേ​ക്ക് മൂ​ന്നു വി​മാ​ന​ങ്ങ​ളു​മാ​ണ്​ സ​ര്‍വി​സു​ക​ള്‍ ന​ട​ത്തു​ക. പു​തി​യ സ​ര്‍വി​സ് വി​വ​ര​ങ്ങ​ളും സ​മ​യ​വും ഒ​മാ​ന്‍ എ​യ​ര്‍ വെ​ബ്‌​സൈ​റ്റി​ല്‍ ന​ല്‍കി​യി​ട്ടു​ണ്ടെ​ന്ന്​ അ​ധി​കൃ​ത​ര്‍ അ​റി​യി​ച്ചു.

അതുപോലെ എ​യ​ർ ഇ​ന്ത്യ വി​മാ​നം ക​ണ്ണൂ​രി​ൽ​നി​ന്ന് ഒ​മാ​നി​ലേ​ക്ക് ജൂ​ൺ 21 മു​ത​ൽ സ​ർ​വീ​സ് ആ​രം​ഭി​ക്കു​ന്നു. രാ​ത്രി 10.20ന് ​പു​റ​പ്പെ​ടു​ന്ന വി​മാ​നം ഒ​മാ​ൻ സ​മ​യം 12.20ന് ​മ​സ്ക​ത്തി​ൽ എ​ത്തും. അ​തു​പോ​ലെ ഇ​വി​ടെ​നി​ന്ന്​ വൈ​കീ​ട്ട് 4.30ന് ​പു​റ​പ്പെ​ടു​ന്ന വി​മാ​നം ഇ​ന്ത്യ​ൻ സ​മ​യം 9.30ന് ​ക​ണ്ണൂ​രി​ൽ ഇ​റ​ങ്ങും.

ആഴ്ചയിൽ ചൊവ്വ, വെള്ളി, ഞായർ ദിവസങ്ങളിൽ മൂന്ന്​ വീതം സർവീസായിരിക്കും നടത്തുക. എ​യ​ർ ഇ​ന്ത്യ എ​ക്സ്പ്ര​സ്, ഗോ ​ഫ​സ്​​റ്റ്​ എ​ന്നീ വി​മാ​ന​ക്ക​മ്പ​നി​ക​ൾ​ക്കാ​ണ് നി​ല​വി​ൽ ക​ണ്ണൂ​രി​ലേ​ക്ക് സ​ർ​വീ​സു​ള്ള​ത്. നി​ല​വി​ൽ കൊ​ച്ചി​യി​ൽ​നി​ന്ന് മാ​ത്ര​മാ​ണ്​ എ​യ​ർ ഇ​ന്ത്യ ഒ​മാ​നി​ലേ​ക്ക് സ​ർ​വി​സ് ന​ട​ത്തു​ന്ന​ത്. എ​യ​ർ ഇ​ന്ത്യ മു​മ്പ്​ തി​രു​വ​ന​ന്ത​പു​രത്ത് നി​ന്ന്​ ഒ​മാ​നി​ലേ​ക്ക് സ​ർ​വീ​സ് ന​ട​ത്തി​യി​രു​ന്നെ​ങ്കി​ലും സ​ർ​വീ​സ് നി​ർ​ത്ത​ലാ​ക്കി​യി​രു​ന്നു.