പ്രവാസികളുടെ തൊഴിൽ സമയങ്ങളിലും സമഗ്ര മാറ്റം, ജീവനക്കാരുടെ എണ്ണം കുറക്കും, 80 ശതമാനം ജീവനക്കാര് വിദൂരമായി ജോലി ചെയ്യും, ഖത്തറിൽ ഓഫീസുകളുടെ പ്രവര്ത്തന സമയത്തില് മാറ്റവരുത്തി, നവംബര് ഒന്ന് മുതല് ഡിസംബര് 19 വരെ ഇങ്ങനെ...
പ്രവാസികളുമായി ഒരു പ്രത്യേക മുന്നറിയിപ്പാണ് പങ്കുവയ്ക്കാനുള്ളത്. ഓഫീസുകളുടെ പ്രവര്ത്തന സമയത്തില് മാറ്റവരുത്തുകയാണ് ഖത്തർ. സര്ക്കാര് ഓഫീസുകളുടെ പ്രവര്ത്തന സമയത്തിലാണ് ഈ മാറ്റം. ഇനി സര്ക്കാര് ഓഫീസുകളുടെ പ്രവൃത്തി സമയം രാവിലെ ഏഴു മണി മുതല് രാവിലെ 11 വരെ ആയിരിക്കുമെന്നാണ് അധികൃതർ അറിയിച്ചിരിക്കുന്നത്.
ഫിഫ 2022 ലോകകപ്പിന് ആതിഥേയത്വം വഹിക്കാനുള്ള ഖത്തറിന്റെ തയ്യാറെടുപ്പുകള്ക്ക് അനുസൃതമായി കഴിഞ്ഞ ദിവസം ചേര്ന്ന ഖത്തര് ക്യാബിനറ്റാണ് ഈ നിർണായക തീരുമാനം പ്രഖ്യാപിച്ചത്. സുരക്ഷ, സൈനികം, ആരോഗ്യം, വിദ്യാഭ്യാസം എന്നീ മേഖലകളെ ഈ തീരുമാനത്തില് നിന്ന് ഒഴിവാക്കിയിട്ടുണ്ട്.
നവംബര് ഒന്ന് മുതല് ഡിസംബര് 19 വരെ സര്ക്കാര് മേഖലയിലെ ജീവനക്കാരുടെ എണ്ണം 20 ശതമാനം ആയി കുറയുകയും 80 ശതമാനം ജീവനക്കാര് വിദൂരമായി ജോലി ചെയ്യും. എന്നാല് സ്വകാര്യ മേഖലയില് പ്രവര്ത്തിക്കുന്ന കമ്പനികള് സാധാരണപോലെ പ്രവര്ത്തിക്കുമെന്നാാണ് അധികൃതര് അറിയിച്ചത്. ലോകകപ്പിന് മുന്നോടിയായി വൻ ക്രമീകരണങ്ങളാണ് രാജ്യത്ത് ഒരുക്കിയിരിക്കുന്നത്.
ലോകകപ്പ് ആഘോഷങ്ങളുടെ വേദിയായ ദോഹ കോർണിഷിൽ നവംബർ ഒന്ന് മുതൽ തന്നെ വാഹന യാത്രക്ക് വിലക്കേർപ്പെടുത്തിയിട്ടുണ്ട്. ലോകകപ്പ് കഴിയുന്ന ഡിസംബർ 19 വരെ ദോഹ കോർണിഷിൽ കാൽനടയാത്രക്കാർക്ക് മാത്രമായി പ്രവേശനം നിയന്ത്രിക്കുമെന്ന് പ്രധാനമന്ത്രിയുടെ അധ്യക്ഷതയിൽ ചേർന്ന മന്ത്രിസഭാ യോഗത്തിൽ തീരുമാനം എടുത്തിരുന്നു.
അതേസമയം ഫുട്ബോള് ലോകകപ്പിനായെത്തുന്ന സന്ദര്ശകര്ക്ക് ഖത്തര് കൊവിഡ് പ്രോട്ടോകോള് പ്രഖ്യാപിച്ചിരുന്നു. കൊവിഡ് നെഗറ്റീവ് സര്ട്ടിഫിക്കറ്റ് കാണികള്ക്ക് നിര്ബന്ധമാക്കി. വാക്സിനേഷന് നിര്ബന്ധമല്ല. പൊതുഗതാഗതം ഉപയോഗിക്കുമ്പോള് മാസ്കും ധരിക്കണം. കോണ്ടാക്റ്റ് ട്രേസിംഗ് ഫോണ് ആപ്ലിക്കേഷനായ എഹ്തെരാസ് 18 വയസ്സ് പൂര്ത്തിയായ എല്ലാവരും ഡൗണ്ലോഡ് ചെയ്യണമെന്നും അധികൃതര് അറിയിച്ചു.
12 ലക്ഷത്തിലധികം കാണികള് ഖത്തറിലെത്തുമെന്നാണ് കരുതുന്നത്. നവംബര് 20 മുതല് ഡിസംബര് 18 വരെയാണ് ഖത്തറില് ലോകകപ്പ് ഫുട്ബോള് നടക്കുന്നത്. ആറ് വയസും അതില് കൂടുതലുമുള്ള എല്ലാ സന്ദര്ശകരും ഖത്തറിലേക്ക് പുറപ്പെടുന്നതിന് 48 മണിക്കൂറിനുള്ളില് നടത്തിയ പിസിആര് പരിശോധനയുടെയോ 24 മണിക്കൂറിനിടെ നടത്തിയ റാപ്പിഡ് ആന്റിജന് ടെസ്റ്റിന്റെയോ നെഗറ്റീവ് ഫലം ഹാജരാക്കണമെന്ന് സംഘാടകരായ ഡെലിവറി ആന്ഡ് ലെഗസി സുപ്രീം കമ്മിറ്റി വ്യാഴാഴ്ച അറിയിച്ചു. വാക്സിന് എടുത്തവരും അല്ലാത്തവരും പരിശോധന നടത്തണം. സന്ദര്ശകര്ക്ക് കോവിഡ് ലക്ഷണങ്ങള് ഇല്ലെങ്കില് ഖത്തറില് കൂടുതല് പരിശോധനകള് ആവശ്യമില്ല.
https://www.facebook.com/Malayalivartha
