ഫ്ളോറിഡയില് മലയാളി യുവാവിനെ കാണാതായി
ആല്ബനി (ന്യുയോര്ക്ക്) * ടെക്സസിലെ റൈസ് യൂണിവേഴ്സിറ്റി വിദ്യാര്ഥിയും ആല്ബനി നിവാസിയുമായ റെനി ജോസിനെ (21) ഫ്ളോറിഡയിലെ പനാമ സിറ്റി ബീച്ചില് നിന്ന് കാണാതായി.
മാര്ച്ച് 1 ശനിയാഴ്ച യൂണിവേഴ്സിറ്റിയിലെ സഹപാഠികളും സുഹൃത്തുക്കളുമടങ്ങുന്ന 15 അംഗ സംഘത്തോടൊപ്പം സ്പ്രിംഗ് ബ്രേക്ക് ആഘോഷിക്കാന് ഫ്ളോറിഡയിലേക്ക് ഉല്ലാസയാത്ര പോയതായിരുന്നു റെനി. ഇന്നലെ (മാര്ച്ച് 3) വൈകിട്ട് ഏഴ് മണിക്ക് താമസസ്ഥലത്തുനിന്നും പുറത്തേക്കു പോയ റെനിയെ പിന്നീട് കണ്ടിട്ടില്ല എന്ന് സുഹൃത്തുക്കള് പറഞ്ഞതായി ബേ കൗണ്ടി ഷെറീഫിന്റെ ഓഫീസ് അറിയിച്ചു. മാര്ച്ച് 4ന് രാവിലെ 11.30നാണ് റെനിയെ കാണാതായ വിവരം ഷെറീഫ് ഓഫീസില് അറിയിച്ചത്.
ബേ കൗണ്ടി ഷെറീഫ് ഓഫീസിന്റെ ഹെലിക്കോപ്ടര് പ്രദേശമാകെ നിരീക്ഷണം നടത്തുന്നുണ്ട്. ഫ്രണ്ട് ബീച്ച് റോഡിലെ 21000 ബ്ലോക്കിലാണ് റെനിയും സുഹൃത്തുക്കളും താമസിച്ച വീട്. റെനിയുടെ വസ്ത്രങ്ങളും മറ്റു സാധനങ്ങളും ഗാര്ബേജ് നിക്ഷേപിക്കുന്ന സ്ഥലത്തുനിന്നും കണ്ടുകിട്ടിയതായി ഷെറീഫ് ഓഫീസ് അറിയിച്ചു.
റെനിക്കുവേണ്ടി ഊര്ജ്ജിതമായ അന്വേഷണം നടന്നുകൊണ്ടിരിക്കുന്നു. ഈ യുവാവിനെക്കുറിച്ച് വിവരം ലഭിക്കുന്നവര് ബേ കൗണ്ടി ഷെറീഫ് ഓഫീസുമായി ബന്ധപ്പെടണമെന്ന് അഭ്യര്ത്ഥിച്ചു.
ഫോണ്: 747 4700, ക്രൈം സ്റ്റോപ്പേഴ്സ് 785-സ്സണ്ടഗ്ഗ.
ആല്ബനിയിലെ സ്ഥിരതാമസക്കാരായ ജോസ് ജോര്ജിന്റെയും ഷെര്ലി ജോസിന്റെയും ഏക പുത്രനാണ് റെനി. രേഷ്മ സഹോദരി.
അമേരിക്കയില് കാണാതാകുന്ന മൂന്നാമത്തെ വിദ്യാര്ഥിയാണ് റെനി. ഷിക്കാഗോയിലെ സതേണ് ഇല്ലിനോയ് യൂണിവേഴ്സിറ്റിയില് ക്രിമിനല് ജസ്റ്റിസ് വിദ്യാര്ഥിയായിരുന്നു പ്രവീണ് വര്ഗീസ്, ന്യൂയോര്ക്ക് ഇന്സ്റ്റിറ്റിയൂട്ട് ഓഫ് ടെക്നോളജി യിലെ സീനിയര് നഴ്സിങ് വിദ്യാര്ഥിനിയായ ജാസ്മിന് ജോസഫ് എന്നിവരെയും ഇത്തരത്തില് പോയമാസം കാണാതായിരുന്നു. ഇത്തരത്തില് വിദ്യാര്ഥികള് അപ്രത്യക്ഷരാകുന്നത് രക്ഷിതാക്കളില് ആശങ്ക ഉണ്ടാക്കിയിട്ടുണ്ട്.
കൂടുതല് വിവരങ്ങള്ക്ക്:
ജോസ് ജോര്ജ് : 518 785 0926
വാര്ത്ത: മൊയ്തീന് പുത്തന്ചിറ
https://www.facebook.com/Malayalivartha
