സുക്കര്ബര്ഗിനെ പിന്തള്ളി ലോകത്തിലെ പ്രായം കുറഞ്ഞ ശതകോടീശ്വരി എന്ന നേട്ടം സ്വന്തമാക്കിയത് ഒരു 21- കാരി!
അമേരിക്കന് ബിസിനസ് മാസികയായ ഫോബ്സ് മാഗസിന് ശതകോടീശ്വരന്മാരുടെ പട്ടിക പുറത്തുവിട്ടതോടെ ഫെയ്സ്ബുക്ക് സ്ഥാപകനായ സുക്കര്ബര്ഗിനെ മറികടന്ന ഈ ഇരുപത്തിയൊന്നു വയസുകാരി വിശേഷണങ്ങളും റെക്കോര്ഡുകളും സ്വന്തമാക്കി ലോകത്തെ അമ്പരപ്പിക്കുകയാണ്.
അമേരിക്കക്കാരിയായ കയ്ലി ജെന്നര് ഫോബ്സ് പട്ടികയില് ലോകത്തിലെ ഏറ്റവും പ്രായം കുറഞ്ഞ ശതകോടീശ്വരന് പട്ടമാണ് സ്വന്തമാക്കിയത്.
23-ാം വയസില് ശതകോടീശ്വരനായ ഫെയ്സ്ബുക്ക് സ്ഥാപകന് സുക്കര്ബര്ഗിന്റെ റെക്കോര്ഡാണ് 21-കാരിയായ കയ്ലി മറികടന്നത്.
900 മില്യന് അമേരിക്കന് ഡോളര് ആസ്തിയുള്ള മേയ്ക്കപ്പ് സാമഗ്രികള് വില്ക്കുന്ന കയ്ലി കോസ്മറ്റിക്സിന്റെ ഉടമയാണ് ഈ യുവതി.
2015 -ലാണ് കയ്ലി കോസ്മെറ്റിക്സ് ആരംഭിച്ചത്. സ്വന്തം പ്രയത്നത്താല് ശതകോടീശ്വരിയായി മാറിയ ഏറ്റവും പ്രായം കുറഞ്ഞ വ്യക്തിയെന്നാണ് ഫോബ്സ് കയ്ലിയെ വിശേഷിപ്പിക്കുന്നത്.
https://www.facebook.com/Malayalivartha
