നാല് വയസുകാരനായ മകനെ കാറിനു മുകളില്‍ ഇരുത്തി നൂറ് കിലോമീറ്റര്‍ വേഗതയില്‍ കാര്‍ ഓടിച്ച യുവതി പിടിയില്‍.

ഓസ്‌ട്രേലിയന്‍ സ്വദേശിനിയായ എറിക്ക ഷാഡ്‌ഫോര്‍ത്ത് എന്ന യുവതിയാണ് സ്വന്തം മകന്റെ ജീവന്‍ പണയം വച്ച് സഹാസം കാട്ടിയത്.

കാമില്ലോ എന്ന സ്ഥലത്തു നിന്നും പിയാര വാട്ടേഴ്‌സ് എന്ന സ്ഥലത്തേക്കുള്ള പതിനഞ്ച് മിനിട്ട് യാത്രയാണ് ഇവര്‍ വളരെ അപകട തുല്യമാക്കിയത്.

ഇവര്‍ക്ക് പുറകെ വന്ന ഒരു കാറിലെ യാത്രികനാണ് ഈ അപകട യാത്രയുടെ ദൃശ്യങ്ങള്‍ പകര്‍ത്തിയത്.

ഇവരെ പോലീസ് പിന്നീട് പിടികൂടി. മാത്രമല്ല മൂന്ന് മാസത്തേക്ക് ഇവരുടെ ഡ്രൈവിംഗ് ലൈസന്‍സ് റദ്ദാക്കുകയും ചെയ്തു.

എന്നാല്‍ യാത്രയ്ക്കിടയില്‍ കുടുംബവീട്ടില്‍ താന്‍ കയറിയിരുന്നുവെന്നും അപ്പോഴാവാം കുട്ടി കാറിന്റെ റൂഫില്‍ കയറിയതെന്നും അത് താന്‍ അറിഞ്ഞിരുന്നില്ലെന്നും എറിക്ക പറഞ്ഞു.