ബാഗിനു വില 35000 രൂപ, അതിനുള്ളില് ഒരു പത്തുരൂപ നാണയം പോലും ഇടാനാകില്ല; പക്ഷേ താരമാണ് ഫിംഗര് ബാഗുകള്!
പുറത്തുപോകുന്ന സ്ത്രീകളുടെ കൈയില് മിക്കവാറും ഒരു ഹാന്ഡ് ബാഗ് കാണാറുണ്ടല്ലോ. നൂറു രൂപ മുതല് കോടിക്കണക്കിന് രൂപ വിലവരുന്ന ഹാന്ഡ് ബാഗുകള് ഇപ്പോള് വിപണിയിലുണ്ട്.
പാരീസില് നടന്നുകൊണ്ടിരിക്കുന്ന പാരീസ് ഫാഷന് വീക്കില് ഒരു മോഡലിന്റെ കൈയിലിരുന്ന ഹാന്ഡ് ബാഗാണ് ഇപ്പോള് സമൂഹമാധ്യമങ്ങളില് താരം. ഫ്രഞ്ച് ബ്രാന്ഡായ ജാക്വെമെസ് പുറത്തിറക്കിയ ഈ ബാഗിന് ആകെ ഒരു കൈവിരലിന്റെ അത്ര വലുപ്പമേയുള്ളു.
പാരീസ് ഫാഷന് വീക്കിലെ ഏറ്റവും വലിയ താരം ഈ കുഞ്ഞന് ബാഗാണ്. ഫിംഗര് ബാഗ് എന്നു പേരുകിട്ടിയ ഈ ബാഗിന്റെ നീളം വെറും 5.2 സെന്റീമീറ്റര് ആണ്.
കൂടിപ്പോയാല് കുറച്ച് അരിമണികള് സൂക്ഷിക്കാം എന്ന് സോഷ്യല്മീഡിയയില് പഴികേട്ട ഈ ബാഗിന്റെ വില എത്രയാണെന്നോ, 500 അമേരിക്കന് ഡോളര്. അതായത് ഏകദേശം 35,000 ഇന്ത്യന് രൂപ.
സൂപ്പര് മോഡലുകളും സെലിബ്രിറ്റികളുമായ റിഹാനയും കിം കര്ദാഷിയനുമാണ് ഇത്തരം ബാഗുകളുമായി റാംപില് എത്തിയത്.
https://www.facebook.com/Malayalivartha
