ദിവസങ്ങളോളം കാത്തിരുന്ന ചന്ദ്രശേഖറിന്റെ കാമറ കണ്ണില് കരിമ്പുലിയുടെ അപൂര്വ ചിത്രം പതിഞ്ഞു!
യുവ വന്യജീവി ഫോട്ടോഗ്രാഫര്, വനത്തിനുള്ളില് അപൂര്വങ്ങളില് അപൂര്വമായി മാത്രം കാണാറുള്ള കരിമ്പുലിയുടെ മികവാര്ന്ന ചിത്രങ്ങള് പകര്ത്തി.
കോത്തഗിരി അളക്കര ഭാഗത്തുനിന്നാണ് കോത്തഗിരി സ്വദേശിയായ ചന്ദ്രശേഖര്, ഉള്ക്കാടുവിട്ടു പുറത്തിറങ്ങാറില്ലാത്ത കരിമ്പുലിയുടെയും ഇണയുടെയും ചിത്രങ്ങള് പശ്ചിമഘട്ടത്തിലെ നീലഗിരി വനമേഖലയിലയില് നിന്നും കാമറയില് പകര്ത്തിയത്.
കേരളത്തിലെ സൈലന്റ് വാലി, ഇരവികുളം വനമേഖലയില് ഇവയുണ്ടെങ്കിലും ഇവയുടെ ചിത്രങ്ങള് നേരിട്ടു പകര്ത്തുക എന്നതു വന്യജീവി ഫോട്ടോഗ്രാഫര്മാരെ സംബന്ധിച്ചിടത്തോളം അതീവ വെല്ലുവിളിയാണ്.
വനംവകുപ്പ് സ്ഥാപിക്കാറുള്ള കാമറക്കെണിയിലാണ് ഇവയുടെ കൂടുതല് ചിത്രങ്ങളും ലഭിച്ചിട്ടുള്ളത്.
സാധാരണ കാണപ്പെടാറുള്ള പുള്ളിപ്പുലിയില്നിന്നാണ് കരിമ്പുലി ഉണ്ടാകുന്നത്. ഈ കരിമ്പുലിയില്നിന്നു ചിലപ്പോള് പുള്ളിപ്പുലിയും ഉണ്ടാകും.
കരിമ്പുലിയുടെ കറുപ്പിനെ സൂക്ഷ്മമായി നിരീക്ഷിച്ചാല് പുള്ളികള് കാണാം. കറുത്ത നിറമായതിനാലും പുറത്തിറങ്ങാറുള്ളത് രാത്രിയിലായതിനാലും ഇവയെ കണ്ടെത്തുക വളരെ പ്രയാസമാണ്.
അകാല് ശിവലിംഗം എന്നയാള് കരിമ്പുലിയെ കണ്ട വിവരം അറിയിച്ചതിനെതുടര്ന്ന് ദിവസങ്ങള്നീണ്ട കാത്തിരിപ്പിലാണ് ചിത്രങ്ങള് എടുക്കാന് കഴിഞ്ഞത്.
https://www.facebook.com/Malayalivartha
