നിത്യ ജീവിതത്തിൽ സമൂഹ മാധ്യമങ്ങൾക്കുള്ള പങ്ക് വളരെ വലുതാണ്. നേരം വെളുത്തുകഴിഞ്ഞാൽ ജീവിതത്തിൽ സംഭവിക്കുന്നതെല്ലാം സമൂഹ മാധ്യമങ്ങളിൽ പങ്ക് വെക്കുന്നത് ഇന്നത്തെ തലമുറയുടെ ഹരമായി മാറിക്കഴിഞ്ഞു. അത്തരം ഒരു സംഭവമാണ് ഇപ്പോൾ സമൂഹമാധ്യമങ്ങളിൽ വൈറലായി വരുന്നത്

ഒരു സംരംഭത്തെ സമൂഹത്തിനു മുന്നില്‍ എത്തിക്കണമെങ്കില്‍ സാമൂഹ്യ മാധ്യമങ്ങളുടെ പങ്ക് എത്ര വലുതാണ് എന്നതിന് ഉദാഹരണമാണ് ഇത് . സംഭവം ഇങ്ങനെയാണ്

ടെക്‌സാസില്‍ ബില്ലി എന്നയാളുടെ അച്ഛന്‍ ഒരു ഡോനട്ട് ഷോപ്പ് തുടങ്ങി. പഴയ തലമുറയിലുള്ള ആള്‍ ആയതിനാല്‍ തന്നെ സാമൂഹ്യ മാധ്യമങ്ങളിലൂടെ കടയെ മാര്‍ക്കറ്റ് ചെയ്യുന്നതൊന്നും അദ്ദേഹത്തിനറിയില്ലായിരുന്നു. അതുകൊണ്ടു തന്നെ ഇപ്പോഴത്തെ മാതൃകയിൽ പരസ്യവും ഉദ്‌ഘാടനവും ഫോട്ടോ എടുപ്പും സമൂഹ മാധ്യമങ്ങളിൽ പങ്കു വെക്കലും ഒന്നും ഉണ്ടായില്ല .

കട തുടങ്ങിയെങ്കിലും ആരും ആ കടയിലേക്ക് എത്തിനോക്കിയതുപോലും ഇല്ല. . ആരും തിരിഞ്ഞു നോക്കുന്നില്ലെന്നു വന്നപ്പോള്‍ കട പൂട്ടിയാലോ എന്നു വരെ കടയുടമ വിചാരിച്ചു. എന്നാല്‍ തലവര മാറിയതു പെട്ടെന്നായിരുന്നു.

അച്ഛന്റെ അവസ്ഥ മനസിലാക്കിയ ബില്ലി ട്വിറ്ററില്‍ ഒരു പോസ്റ്റിട്ടു. അച്ഛന്റെ കടയില്‍ ആരു കയറുന്നില്ലെന്നും, അതില്‍ അദ്ദേഹം വളരെ നിരാശനാണെന്നുമായിരുന്നു പോസ്റ്റ്.

ബില്ലിയുടെ അച്ഛന്‍ വിഷമത്തോടെ കടയില്‍ ഇരിക്കുന്ന ഒരു ചിത്രവും പോസ്റ്റ് ചെയ്തു. നിമിഷനേരം കൊണ്ട് ഈ കുറിപ്പും ചിത്രവും വൈറലാവുകയായിരുന്നു . ഫലമോ, ഡോനട്ട് ഷോപ്പിലേക്ക് ആളുകള്‍ പ്രവഹിച്ചു തുടങ്ങി. പലപ്പോഴും കടയ്ക്കു പുറത്തേക്കു വരെ ക്യൂ വ്യാപിച്ചു. ഇപ്പോള്‍ എല്ലാദിവസവും നല്ല കച്ചവടം. പ്രതീക്ഷിച്ചതിലധികം ലാഭവും കിട്ടി.

അച്ഛന്റെ അവസ്ഥ പറഞ്ഞുകൊണ്ടുള്ള ബില്ലിയുടെ ട്വീറ്റിന് 32500 റീട്വീറ്റുകളാണ് ലഭിച്ചത്. കൂടാതെ ഏഴു ലക്ഷത്തോളം പേര്‍ ലൈക്ക് നല്‍കുകയും ചെയ്തു.

ഏതായാലും ബില്ലിയുടെ അച്ഛന് സമൂഹ മാധ്യമങ്ങളുടെ ശക്തി എന്തെന്ന് തിരിച്ചറിയാണ് ഇത് സഹായകമായി. ബില്ല ഇന്‍സ്റ്റാഗ്രാമിലും ഇപ്പോള്‍ അക്കൗണ്ട് തുടങ്ങിയിരിക്കുകയാണ്. അതേസമയം കച്ചവടം പൊടി പൊടിക്കുകയാണ് ഈ കടയില്‍