8 കോടി 50 ലക്ഷം രൂപ വിലയുള്ള പെര്ഫ്യൂം ദുബായില്
ലോകത്തിലെ ഏറ്റവും വിലയേറിയ പെര്ഫ്യൂം ദുബായില് വില്പ്പനയ്ക്ക്. എട്ടുകോടി അന്പതുലക്ഷത്തോളം രൂപ വ്ലയുള്ള ഷുമുഖ് പെര്ഫ്യൂം മൂന്നുവര്ഷത്തെ പരിശ്രമത്തിനൊടുവിലാണ് മാര്ക്കറ്റില് എത്തിയിരിക്കുന്നത്.
യു.എ.ഇയിലെ പ്രശസ്ത പെര്ഫ്യൂം ബ്രാന്ഡായ നബീല് കമ്പനിയാണ് ഷുമുഖ് എന്ന ലോകത്തെ ഏറ്റവും വിലയേറിയ പെര്ഫ്യൂം അവതരിപ്പിച്ചിരിക്കുന്നത്. 4.572 മില്യണ് ദിര്ഹം, അതായത് എട്ടുകോടി അന്പത്തിയെട്ടുലക്ഷത്തി നാല്പ്പത്തിരണ്ടായിരത്തോളം രൂപയാണ് വില.
3571 രത്നങ്ങള്, 2,479 ഗ്രം 18 കാരറ്റ് സ്വര്ണം, അഞ്ചു കിലോ വെള്ളി എന്നിവയാല് അലങ്കരിച്ചാണ് ഷുമുഖ് വില്ക്കുന്നത്. പന്ത്രണ്ടു മണിക്കൂറോളം ശരീരത്തിലും മുപ്പതു ദിവസത്തോളം വസ്ത്രങ്ങളിലും ഈ സുഗന്ധം നിലനില്ക്കുമെന്നു നബീല് പെര്ഫ്യൂംസ് ചെയര്മാന് അഷ്ഗര് ആദം അലി വ്യക്തമാക്കി.
മൂന്നു വര്ഷത്തോളം 494 പരീക്ഷണങ്ങള് നടത്തിയാണ് അമൂല്യമായ സുഗന്ധക്കൂട്ട് തയ്യാറാക്കിയത്. പെര്ഫ്യൂം ബോട്ടിലിനു ഒരുമീറ്റര് 97 സെന്റീമീറ്ററാണ് നീളം. ദുബായ് മോളിലെ പാര്ക്ക് അവന്യൂവില് ഈ മാസം മുപ്പതുവരെ ഷുമുഖ് പ്രദര്ശനത്തിനുണ്ടാകും.
ഉപഭോക്താക്കളുടെ താല്പര്യമനുസരിച്ച് വിവിധ ഡിസൈനുകളില് പെര്ഫ്യൂം നിര്മിച്ചുനല്കും. അതേസമയം, ഒരു ഇന്ത്യന് വ്യവസായിയാണ് പെര്ഫ്യൂമിനു ആദ്യ ഓര്ഡര് നല്കിയതെന്നു നബീല് കമ്പനി വ്യക്തമാക്കി.
https://www.facebook.com/Malayalivartha