മകളെ മര്യാദ പഠിപ്പിക്കാന് നായക്കുട്ടിയെ പരിശീലിപ്പിച്ചു അച്ഛന്!
ചൈനക്കാര് പൊതുവെ കുട്ടികളുടെ പഠനകാര്യങ്ങളിലും മറ്റും കുറച്ച് കടുംപിടുത്തക്കാരാണ്.എന്നാല് പടിഞ്ഞാറന് ചൈനയിലെ ഗുഷോവ് നഗരത്തിലുള്ള ഷു എന്ന അച്ഛന് എത്ര ശ്രമിച്ചിട്ടും തന്റെ മകളെ വരുതിയ്ക്ക്് കൊണ്ടുവരാന് കഴിയുന്നില്ലായിരുന്നു.
സ്കൂളില് പഠിക്കുന്ന അവള് അച്ഛന്റെ കണ്ണുതെറ്റിയാല് അപ്പോള്ത്തന്നെ മൊബൈല് ഫോണ് എടുത്ത് കളി തുടങ്ങും. അവളുടെ ഈ മൊബൈല് അടിമത്തം സ്കൂളിലെ മാര്ക്കിനെയും ബാധിക്കാന് തുടങ്ങിയതോടെ അച്ഛന് ഒരു വഴി കണ്ടെത്തി.
വീട്ടില് ഒരു നായയെ വാങ്ങി. ഒരു മാസത്തെ കഠിനമായ പരിശീലത്തിനുശേഷം മകളുടെ മേല്നോട്ടം ആ നായയെ ഏല്പ്പിച്ചു. മകള് പഠിക്കുമ്പോഴും ഹോം വര്ക്ക് ചെയ്യുമ്പോഴുമൊക്കെ അവളുടെ അടുത്ത് ഈ നായ ഉണ്ടാകും.
അവള് മൊബൈല് ഫോണ് എടുക്കുകയോ മറ്റോ ചെയ്താല് നായ കുരച്ച് ബഹളം വയ്ക്കും. കുട്ടി ഇരുന്ന് ഹോം വര്ക്ക് ചെയ്യുമ്പോള് രണ്ടു കൈകളും പൊക്കി അവളുടെ മേശപ്പുറത്ത് വച്ച് എഴുന്നേറ്റുനിന്ന് അവളെ സസൂക്ഷ്മം വീക്ഷിക്കുന്ന ഈ നായക്കുട്ടിയുടെ ദൃശ്യങ്ങള് സമൂഹമാധ്യമങ്ങളില് ഇതിനോടകം വൈറലായിക്കഴിഞ്ഞു.
https://www.facebook.com/Malayalivartha
