വഞ്ചിച്ച കാമുകിയോട് പ്രതികാരം ചെയ്യാന്‍ യുവാവ് വളരെ വ്യത്യസ്തമായ മാര്‍ഗമാണ് തെരഞ്ഞെടുത്തത് . ഇന്തോനേഷ്യയിലാണ് സംഭവം.

തിരക്കേറിയ റോഡിനു സമീപം മുന്‍ കാമുകിയുടെ ചിത്രം പതിച്ച വലിയൊരു ഫ്‌ലെക്‌സ് ബോര്‍ഡ് സ്ഥാപിച്ചാണ് കാമുകന്‍ തന്റെ ദേഷ്യം തീര്‍ത്തത്.

'നീ ഹൃദയം തകര്‍ത്തു, നീ എന്നെ വഞ്ചിച്ചു. എനിക്ക് ബ്രേക്ക് അപ്പ് വേണം'. എന്നും അതില്‍ എഴുതിയിരുന്നു.

ഇത്രയും ചെയ്തിട്ടും കലിപ്പ് തീരാതെ മെഗാഫോണില്‍ കാമുകിക്കെതിരെ അദ്ദേഹം സംസാരിക്കുകയും ചെയ്തു.

ഇരുവരും തമ്മില്‍ റോഡില്‍ നിന്ന് വാക്കുതര്‍ക്കത്തിലേര്‍പ്പെടുന്നതും സമീപം നില്‍ക്കുന്നയൊരാള്‍ ഇരുവരെയും സമാധാനിപ്പിക്കുവാന്‍ ശ്രമിക്കുന്നതിന്റേയും ദൃശ്യങ്ങള്‍ നവമാധ്യമങ്ങളില്‍ വൈറലാണ്.

യുവാവിന്റെ പ്രവൃത്തിയെ അനുകൂലിച്ചും പ്രതികൂലിച്ചും നിരവധി യാളുകള്‍ രംഗത്തെത്തിയിട്ടുണ്ട്.