അലാസ്കയിലെ ഭീമന് പച്ചക്കറികളുടെ കാര്ഷിക പ്രദര്ശനം
വര്ഷംതോറും അലാസ്കയിലെ പാല്മര് എന്ന നഗരത്തില് ഒരു കാര്ഷിക പ്രദര്ശനം നടക്കാറുണ്ട്. ലോകത്ത് മറ്റെവിടെയും നടക്കുന്ന കാര്ഷിക പ്രദര്ശനങ്ങളേക്കാള് തികച്ചും കൗതുകകരമാണ് ഇവിടത്തെ പ്രദര്ശനം. കാരണം ഇവിടെ പ്രദര്ശനത്തിനുവയ്ക്കുന്നത് അതി ഭീമന്മാരായ പച്ചക്കറികളാണ്.
63 കിലോ ഭാരമുള്ള കാബേജും അത്രതന്നെ ഭാരമുള്ള മത്തങ്ങയുമൊക്കെ അവയില് ചിലത് മാത്രം. പല പച്ചക്കറികളുടെയും വലുപ്പം കാരണം അവ ഏതാണെന്ന് തിരിച്ചറിയാന്പോലും പ്രദര്ശനം കാണാനെത്തുന്നവര്ക്ക് കഴിയാറില്ല.
അലാസ്കയിലെ മടാനുസ്ക-സുസ്ടിന താഴ്വരകളില് വളരുന്നതാണ് ഈ പച്ചക്കറികള്. ഇവിടെ ലഭിക്കുന്ന സൂര്യപ്രകാശമാണ് ഈ അസാമാന്യ വളര്ച്ചയ്ക്ക് പിന്നില്. ഒരു വര്ഷം വെറും 105 വിളദിനങ്ങള്മാത്രമാണ് അലാസ്കയില് ലഭിക്കുക.
നോര്ത്ത് പോളിനോട് അടുത്തുകിടക്കുന്നതിനാല് വേനല്ക്കാലത്ത് ദിവസവും 19 മണിക്കൂര്വരെ ഇവിടെ സൂര്യപ്രകാശം ലഭിക്കും. ഇങ്ങനെ അധികം ലഭിക്കുന്ന സൂര്യപ്രകാശമാണ് ഇപ്രകാരം വളര്ന്നുവലുതാകാന് അലാസ്കയിലെ പച്ചക്കറികളെ സഹായിക്കുന്നത്.
ലോകത്തിലെതന്നെ ഏറ്റവും വലുപ്പമുള്ള പച്ചക്കറികള് വിളയുന്നത് ഇവിടെയാണ്. ചെടികളില് പ്രകാശസംശ്ലേഷണത്തിന്റെ തോത് കൂടുതലായതിനാല് വിളകള്ക്ക് സ്വാദും അധികമായിരിക്കും.
https://www.facebook.com/Malayalivartha
