ജീവനുള്ള നീരാളിയെ കഴിക്കാന്‍ ശ്രമിച്ച ഒരു ചൈനീസ് ബ്ലോഗറിന് കിട്ടിയ എട്ടിന്റെ പണിയാണ് നവമാധ്യമങ്ങളില്‍ ചിരിയും ചിന്തയുമുണര്‍ത്തുന്നത്.

ഈ യുവതി ജീവനുള്ള നീരാളിയെ കഴിക്കുവാന്‍ ശ്രമിച്ചത് സോഷ്യല്‍മീഡിയയില്‍ ലൈവ് സ്ട്രീമിംഗിലൂടെയായിരുന്നു.

എന്നാല്‍ നീരാളിയെ ഇവര്‍ വായയോട് അടുപ്പിച്ചപ്പോള്‍ നീരാളി ഇവരെ ആക്രമിക്കുകയായിരുന്നു. യുവതിയുടെ മുഖത്ത് പറ്റിപ്പിടിച്ച് ഇരുന്ന നീരാളിയെ ദീര്‍ഘനേരത്തെ പരിശ്രമത്തിനൊടുവിലാണ് ഇവര്‍ക്ക് മാറ്റുവാന്‍ സാധിച്ചത്.

നീരാളി ഇവരുടെ മുഖത്ത് പറ്റിപ്പിടിച്ച് ഇരിക്കുമ്പോള്‍ വേദനകൊണ്ട് യുവതി പുളയുന്നത് വീഡിയോയില്‍ വ്യക്തമാണ്.

കൂടാതെ ഇവരുടെ മുഖത്തു നിന്നും ചെറിയ രീതിയില്‍ രക്തം പൊടിയുകയും ചെയ്തിരുന്നു. സോഷ്യല്‍മീഡിയയില്‍ വൈറലായി മാറുന്ന വീഡിയോയ്ക്ക് പ്രതികരണവുമായി നിരവധിയാളുകളാണ് രംഗത്തെത്തിയിരിക്കുന്നത്.