ഒരു ഒന്നൊന്നര ബാലന്‍സിംഗ് നടത്തും ഈ ബാലന്‍സിംഗ് മാന്‍..!
ജീവിതത്തിന് ആകെപ്പാടെ ഒരു സന്തുലിതാവസ്ഥ ആവശ്യമാണെന്ന് ആരും സമ്മതിക്കും. എങ്കിലും പലസ്തീന്‍ സ്വദേശിയായ മുഹമ്മദ് അല്‍ ഷെന്‍ബരി ബാലന്‍സിംഗില്‍ പുലിയാണ്, വെറും പുലിയല്ല പുപ്പുലിയെന്ന് വിശേഷിപ്പിക്കാം മുഹമ്മദിനെ. ഒരു കാലില്‍ കസേര നിര്‍ത്തുക, ഒരു കമ്പിയുടെ മുകളില്‍ നിര്‍ത്തിയിരിക്കുന്ന ഗ്യാസ് സിലിണ്ടറിന്റെ മുകളില്‍ മറ്റൊരു സിലിണ്ടര്‍ വയ്ക്കുക, കുപ്പിയുടെ മുകളില്‍ ടെലിവിഷന്‍ ബാലന്‍സ് ചെയ്തു നിര്‍ത്തുക തുടങ്ങിയവയാണ് മുഹമ്മദിന്റെ വിനോദം.
മുഹമ്മദ് ബാലന്‍സിംഗ് പരിപാടി തുടങ്ങിയത് ഒരു വര്‍ഷം മുമ്പാണ്. യൂട്യൂബില്‍ ഒരു കൊറിയന്‍ ആര്‍ട്ടിസ്റ്റിന്റെ പ്രകടനം കണ്ടിട്ടാണ് മുഹമ്മദ് ഈ രംഗത്ത് എത്തിയത്. ദിവസങ്ങളോളും പരിശീലിച്ച ശേഷമാണ് ബാലന്‍സിംഗ് സ്വായത്തമാക്കിയത്. ഇപ്പോള്‍ മിനിറ്റുകള്‍കൊണ്ട് ഏതൊരു സാധനവും ബാലന്‍സ് ചെയ്യാന്‍ മുഹമ്മദിനാവും.
വാഷിംഗ് മെഷീനും ഫ്രിഡ്ജും ബാലന്‍സ് ചെയ്യിക്കാനുള്ള പദ്ധതിയും മുഹമ്മദിനുണ്ട്. അല്‍പം പരിശീലിച്ചാല്‍ ആര്‍ക്കും ബാലന്‍സിംഗ് സാധിക്കുമെന്നാണ് മുഹമ്മദിന്റെ പക്ഷം.ആര്‍ട്‌സ് ഓഫ് ബാലന്‍സിംഗിനെക്കുറിച്ചുള്ള ഏതെങ്കിലും റിയാലിറ്റി ഷോയില്‍ പങ്കെടുക്കുക, ഏഷ്യയിലൂടെ ചുറ്റി സഞ്ചരിക്കുക എന്നീ ആഗ്രഹങ്ങളാണ് മുഹമ്മദിനുള്ളത്.
https://www.facebook.com/Malayalivartha
