അബുദാബി കിരീടാവകാശി വീട്ടിലെത്തി കുഞ്ഞ് അയിഷയുടെ സങ്കടം തീര്ത്തു!
അബുദാബി കിരീടാവകാശിയും യുഎഇ സായുധ സേനയുടെ ഉപസര്വ സൈന്യാധിപനുമായ ഷെയ്ഖ് മുഹമ്മദ് ബിന് സായിദ് അല് നഹ്യാന് അയിഷ മുഹമ്മദ് ബിന് മഷീത് അല് മസ് റൂയി എന്ന പെണ്കുട്ടിയെ കാണാന് അവളുടെ വീട്ടിലെത്തി. അതിനൊരു കാരണമുണ്ട്.
കഴിഞ്ഞ ദിവസം യുഎഇ സന്ദര്ശിച്ച സൗദി കിരീടാവകാശിയ മുഹമ്മദ് ബിന് സല്മാന് ബിന് അബ്ദുല് അസീസ് രാജകുമാരന് നല്കിയ സ്വീകരണത്തിനിടെ സ്വദേശി ബാലികമാര് അണിനിരന്ന് മുഹമ്മദ് സല്മാന് രാജകുമാരന് വരവേല്പ് നല്കിയിരുന്നു.
ഒരു ഭാഗത്ത് മുഹമ്മദ് സല്മാന് രാജകുമാരനും മറു ഭാഗത്ത് ഷെയ്ഖ് മുഹമ്മദ് ബിന് സായിദ് അല് നഹ്യാനുമായിരുന്നു. ഇരുവരും തങ്ങള്ക്ക് നേരെ കൈ നീട്ടിയ കുട്ടികള്ക്ക് സ്നേഹം പകര്ന്ന് കടന്നുപോകവെ, അയിഷയുടെ അരികിലെത്തിയപ്പോള് അവള് ഹസ്തദാനത്തിന് ശ്രമിച്ചെങ്കിലും അദ്ദേഹത്തിന്റെ ശ്രദ്ധ മറ്റൊരു വശത്തേയ്ക്ക് മാറുകയും കൈ നല്കാന് സാധിക്കാതെ വരികയും ചെയ്തു.
പ്രിയ ഭരണാധികാരിക്ക് നേരെ ഹസ്തദാനത്തിന് കൈ നീട്ടി നിരാശയേകേണ്ടി വന്ന ബാലികയുടെ മുഖം കണ്ടവരിലെല്ലാം നൊമ്പരം പടര്ത്തിയിരുന്നു.
ഇതില് നിരാശയായ കുട്ടിയുടെ മുഖം വീഡിയോയില് പതിഞ്ഞു. അത് പിന്നീട് സമൂഹ മാധ്യമത്തില് പ്രചരിച്ചു. ഇതുകണ്ട ഷെയ്ഖ് മുഹമ്മദ് യുഎഇ ദേശീയ ദിനത്തില് ബാലികയുടെ ഭവനത്തില് നേരിട്ട് ചെല്ലുകയായിരുന്നു. അയിഷയുടെ കൈകളില് ഒത്തിരി തവണ സ്നേഹ ചുംബനം നല്കി പ്രിയ ഭരണാധികാരി അവളെ ആശ്വസിപ്പിച്ചു. ഈ വീഡിയോയും സമൂഹ മാധ്യമത്തില് വൈറലായി.
https://www.facebook.com/Malayalivartha
