വിശപ്പ് തീര്ത്ത് ഒന്നു ചൂടാകാന് കാറില് കയറിയ കരടിക്ക് സംഭവിച്ചത്...
മഴക്കാലത്തും മഞ്ഞുകാലത്തുമെല്ലാം ജന്തുജീവജാലങ്ങള്ക്ക് വിശപ്പ് ഇത്തിരി കൂടുതലായിരിക്കും. അത്തരമൊരു അവസ്ഥയിലായ കലിഫോര്ണിയയിലെ ഒരു കരടി ഭക്ഷണമന്വേഷിച്ച് ചെന്നു കയറിയത് ഒരു വീടിനു മുന്നില് പാര്ക്ക് ചെയ്തിരുന്ന എസ്യുവി-യിലാണ്. കാറിന്റെ ഡോര് എങ്ങനെ തുറക്കണമെന്നൊക്കെ പഠിച്ചു വച്ചിരിക്കുന്നു ഈ ന്യൂജെന് കരടി! കരടി വാഹനത്തിന്റെ ഉള്ളില് കയറുന്നതും വാതില് അടയുന്നതും ദൃശ്യങ്ങളില് കാണാം. വാഹനത്തിനുള്ളില് ഭക്ഷണമുണ്ടോയെന്ന് അന്വേഷിച്ചെത്തിയതാകാം കരടിയെന്നാണ് നിഗമനം. പട്ടാപ്പകലായിരുന്നു സംഭവം. അയല്വീട്ടുകാരാണ് ദൃശ്യങ്ങള് പകര്ത്തിയത്.
കരടികള് ഏറെയുള്ള പ്രദേശമായ താഹോ തടാകത്തിനു സമീപമുള്ള വീടിനു മുന്നിലാണ് സംഭവം നടന്നത്. കടുത്ത മഞ്ഞുവീഴ്ചയെ അവഗണിച്ചാണ് കൂറ്റന് കരടി വീട്ടിലേക്കെത്തിയത്. വീടിനു മുന്നില് പാര്ക്ക് ചെയ്തിരുന്ന എസ്യുവിയുടെ വാതില് തുറന്ന് അകത്ത് കയറുന്നതിന്റെ ദൃശ്യങ്ങള് ഇപ്പോള് സമൂഹമാധ്യമങ്ങളില് തകര്ത്തോടുകയാണ്.
പിന്നീട് കാറിനുള്ളില് നിന്നും ഇറങ്ങാനാവാതെ പാവം അതില്പ്പെട്ടുപോയി! കാറിനുള്ളില് അകപ്പെട്ട കരടിയെ മറുവശത്തെ വാതില് തുറന്നു കൊടുത്ത് ഒരാള് സ്വതന്ത്രനാക്കി. വാഹനത്തിനു പുറത്തെത്തിയ കരടി മഞ്ഞിലൂടെ നടന്നു മറയുകയും ചെയ്തു. ഈ പ്രദേശം അറിയപ്പെടുന്നത് തന്നെ ബെയര് കണ്ട്രി എന്നാണ്.
കഴിഞ്ഞ മാസവും സമാനമായ സംഭവം ഇവിടെ റിപ്പോര്ട്ട് ചെയ്തിരുന്നു. അന്ന് കാറിനുള്ളില് കയറിയ കരടിയ്ക്ക് പുറത്തിറങ്ങാനാവാതെ വന്നപ്പോള് കാറിന് കാര്യമായ നാശനഷ്ടങ്ങള് വരുത്തിയിരുന്നു. എന്തായാലും ഇവിടത്തെ ആളുകള് കരടിയെപ്പേടിച്ചാണ് ഇപ്പോള് കഴിയുന്നത്.
്വാഹനങ്ങളും വീടുകളും പൂട്ടാതെ പുറത്തുപോകരുതെന്ന മുന്നറിയിപ്പ് കരടികള് അധികമുള്ള പ്രദേശങ്ങളിലെ ജനങ്ങള്ക്ക് നല്കിയിട്ടുണ്ട്. കരടികള് ഏതു സമയത്തും ഭക്ഷണമന്വേഷിച്ച് ഇവിടേക്കെത്തിയേക്കാം എന്നതുതന്നെയാണ് കാരണം.
https://www.facebook.com/Malayalivartha