സ്ട്രോബറി തോട്ടം കാണാം, മൂന്നാറില് നിന്നും 45 കിലോമീറ്റര്കൂടി താണ്ടി വട്ടവടയിലെത്തണം!
ഇത്തവണ മഞ്ഞുകാലം സ്ട്രോബറി തോട്ടത്തിന്റെ പശ്ചാത്തലത്തില് ആസ്വദിച്ചാലോ? മൂന്നാറിലെത്തുന്ന സഞ്ചാരികള് ഒരു 45 കിലോമീറ്റര്കൂടി താണ്ടിയാല് വട്ടവടയിലെത്താം. ശീതകാല പച്ചക്കറികളും, സ്ട്രോബറിയുമെല്ലാം വിളഞ്ഞു നില്ക്കുന്ന പാടങ്ങള് കാണാം.
സൗജന്യമായി സ്ട്രോബറിത്തോട്ടങ്ങള് സന്ദര്ശിക്കാം. 400 രൂപയ്ക്കും 800 രൂപയ്ക്കും ഇടയില് വിലയുള്ള സ്ട്രോബറിപ്പഴങ്ങള് വാങ്ങുകയുമാവാം. കാലാവസ്ഥ അനുകൂലമാകുകയും ഉയര്ന്ന വില ലഭിക്കുകയും ചെയ്തതോടെയാണ് വട്ടവടയിലെ കര്ഷകര് വീണ്ടും സ്ട്രോബറി കൃഷിയിലേയ്ക്ക് തിരിഞ്ഞത്.
വട്ടവട സ്ട്രോബറിയെ പ്രിയങ്കരമാക്കുന്നത് ജൈവ കൃഷിരീതികള് വഴി ഉല്പ്പാദിപ്പിക്കപ്പെടുന്നവയാണ് എന്നതാണ്.
സ്ട്രോബറിയ്ക്ക് പ്രിയമേറിയതോടെ സംസ്ഥാന ഹോര്ട്ടികോര്പ്പ് മിഷന് പ്രത്യേക പദ്ധതി തയ്യാറാക്കി കൃഷി ഭവന് വഴി അത്യുല്പാദനശേഷിയുള്ള തൈകള് കര്ഷകര്ക്ക് വിതരണം ചെയ്തിരുന്നു. ഇതും മേഖലയില് സ്ട്രോബറി കൃഷി വ്യാപിക്കുവാന് സഹായകമായി.
https://www.facebook.com/Malayalivartha