തൃപ്പൂണിത്തുറയിലെ കിങ്ങിണിപ്പൂച്ചയ്ക്ക് കണ്ണിന് രണ്ടുനിറം!
തൃപ്പൂണിത്തുറയില് തെക്കുംഭാഗം മണ്ടാനത്ത് വീട്ടില് ജെന്സണ് ജോയിയുടെ വീട്ടിലേക്ക് രണ്ടാഴ്ചയ്ക്കു മുന്പ് ഒരു പൂച്ചക്കുട്ടി എത്തി. ഈ പൂച്ചക്കുട്ടിയുടെ ഒരു കണ്ണിന് നീല നിറവും മറ്റൊന്നിന് ബ്രൗണ് നിറവുമാണ് ഉള്ളത്. കണ്ണിന് രണ്ടും വ്യത്യസ്ത നിറമായതിനാല് കൗതുകം തോന്നി ഇവര് വളര്ത്തുകയായിരുന്നു. കിങ്ങിണി എന്നു പേരുമിട്ടു. പല രാജ്യങ്ങളിലും ഇത്തരം പൂച്ചകള്ക്ക് വന് ഡിമാന്റാണ്.
ഹെറ്റെറോക്രോമിയ ഐറിഡിസ് എന്ന അവസ്ഥയാണ് ഇതിന് കാരണമെന്നും കണ്ണിനു രണ്ട് നിറമുള്ള പൂച്ചകളും നായ്ക്കളും വളരെ വിരളമാണെന്നും സീനിയര് വെറ്ററിനറി സര്ജന് ഡോ. സാജന് തോമസ് പറഞ്ഞു. ജനിതകപ്രത്യേകതയുള്ള ഈ അവസ്ഥയില് ഒരു കണ്ണ് നീല നിറത്തിലും മറ്റൊരു കണ്ണ് പച്ച, ബ്രൗണ് അല്ലെങ്കില് മഞ്ഞ നിറത്തിലുമാണ് കാണാറുള്ളത്.
വെളുത്ത നിറമുള്ള പൂച്ചകളിലാണ് ഈ അവസ്ഥ കൂടുതലായി കാണുന്നത്. കൂടാതെ ചില അസുഖങ്ങള് കൊണ്ടും കണ്ണുകളുടെ നിറം മാറാറുണ്ട് അദ്ദേഹം പറഞ്ഞു.
https://www.facebook.com/Malayalivartha