ഒരു വൈല്‍ഡ് ലൈഫ് ഫോട്ടോഗ്രാഫര്‍ക്കുണ്ടായ ചോര മരവിക്കുന്ന അനുഭവത്തിന്റെ ദൃശ്യങ്ങള്‍ !
വൈല്‍ഡ് ലൈഫ് ഫോട്ടോഗ്രാഫറും സൗത്ത് ആഫ്രിക്കയിലെ സാബി സാന്‍ഡ്‌സ് വനത്തിലെ ഗൈഡുമായ ഡിലണ്‍ നെല്സണ് ചിത്രമെടുക്കാന്‍ സ്രമിക്കുന്നതിനിടെ തനിക്കുണ്ടായ ഒരു ഭീകരാനുഭവം പങ്കുവച്ചു.
ഒരു അമ്മ പുലിയെയും പത്ത് മാസം പ്രായമുള്ള പുലിയെയും സഞ്ചാരികളുമൊത്തുള്ള ഒരു യാത്രയില്‍ കണ്ടപ്പോള്‍ അദ്ദേഹത്തിന് കൗതുകമേറി. അവര്‍ പുലികളെ പിന്തുടര്‍ന്നു. എന്നാല്‍ അല്‍പ്പ സമയത്തിന് ശേഷം പത്ത് മാസം പ്രായമുള്ള പുലി നെല്സണ് നേരെ വരികയായിരുന്നു.
മുന്നിലേക്ക് വന്ന പുലി അദ്ദേഹത്തിന്റെ ഷൂസില്‍ കൈയ്യെത്തിച്ച് ഒന്നു തൊട്ട് നോക്കുന്നത് വീഡിയോയില്‍ വ്യക്തമാണ്. അതിനു ശേഷം അത് അവിടെ തന്നെ നില്‍ക്കുകയും ചെയ്തു.ഈ സമയമത്രയും പേടിച്ചരണ്ട നെല്സണ് ശ്വാസമടക്കിപ്പിടിച്ച് അനങ്ങാതെ അവിടെ തന്നെ നിന്നു. എന്നാല്‍ ഈ ദൃശ്യങ്ങളെല്ലാം അദ്ദേഹം പകര്‍ത്തുകയും ചെയ്യുന്നുണ്ടായിരുന്നു.
അല്‍പസമയത്തിന് ശേഷം പുലി ഇവിടെ നിന്നും മടങ്ങിയതിന് ശേഷമാണ് അദ്ദേഹം പോയത്. നെല്സണ് പകര്‍ത്തിയ ദൃശ്യങ്ങള്‍ സോഷ്യല്‍മീഡിയയില്‍ വൈറലായി മാറുകയാണ്.
https://www.facebook.com/Malayalivartha
