വണ്ടിയില് കെട്ടിയിരുന്ന കുതിരകള് വണ്ടിയുമായി പാഞ്ഞു, കുതിരകളെ പിടിച്ചു നിര്ത്താനുള്ള ശ്രമത്തിനിടെ ഉടമയ്ക്കും കുതിരകള്ക്കും പരിക്ക്
പൂനെയിലെ ബണ്ട് ഗാര്ഡനില് നടന്ന വിവാഹ ചടങ്ങുകള്ക്ക് ശേഷം രണ്ട് കുതിരകളുമായി മടങ്ങുകയായിരുന്നു 32-കാരനായ ജിതേന്ദ്ര കദം എന്നയാള്.
എങ്ങനെയോ കുറച്ചു സമയത്തിന് ശേഷം ജിതേന്ദ്രയ്ക്ക് കുതിരവണ്ടിയിന്മേലുള്ള നിയന്ത്രണം നഷ്ടമായി. അപ്പോള് കുതിരകള് വിറളിപിടിച്ച് ഓടാന് തുടങ്ങുകയായിരുന്നു. പെട്ടന്ന് തന്നെ അദ്ദേഹം വണ്ടിയില് നിന്നും പുറത്തേക്ക് ചാടിയിറങ്ങുകയും ചെയ്തു.
പിന്നീട് അദ്ദേഹം രണ്ട് പേര്ക്കൊപ്പം ബൈക്കില് കുതിരകളുടെ പിന്നാലെ പാഞ്ഞു. തിരക്കുള്ള റോഡിലേക്ക് ഇറങ്ങി ഓടിയ കുതിരകളുടെ പിന്നാലെ എത്തിയ അദ്ദേഹം അവയെ ബൈക്കില് ഇരുന്നുകൊണ്ട് പിടിച്ചു നിര്ത്തുവാന് ശ്രമിക്കുന്നതിനിടെ ബൈക്കില് നിന്നും താഴേക്ക് വീണു. ഒപ്പം ഒരു കുതിരയും റോഡില് വീണു.
റോഡില് വീണ ഇദ്ദേഹത്തിന്റെ ശരീരത്തില് കുതിരവണ്ടിയുടെ ചക്രങ്ങള് കയറിയിറങ്ങി. ജിതേന്ദ്രയ്ക്കും കുതിരയ്ക്കും പരിക്കുകളുണ്ടെന്നാണ് റിപ്പോര്ട്ടുകള് സൂചിപ്പിക്കുന്നത്. സമീപത്തുകൂടി വന്ന ഒരു യാത്രികനാണ് ഈ ദൃശ്യങ്ങള് പകര്ത്തിയത്.
https://www.facebook.com/Malayalivartha