പെരുമ്പാമ്പിനെ ചാക്കിലാക്കാന് വീട്ടമ്മ; ധൈര്യം സമ്മതിക്കണം!
20 കിലോയോളം ഭാരമുള്ള ഭീമന് പെരുമ്പാമ്പിനെ പിടികൂടി ചാക്കിലാക്കാന് 'ഒരു കൈ'സഹായവുമായി എത്തിയ വിദ്യ രാജു എന്ന വീട്ടമ്മ സമൂഹമാധ്യമങ്ങളില് താരമായി.
ഇതിന്റെ വിഡിയോ ഇപ്പോള് സമൂഹമാധ്യമങ്ങളില് വൈറലാണ്. ഹരീന്ദര് എസ് സിഖ എന്ന നേവി ഉദ്യോഗസ്ഥനാണ് പെരുമ്പാമ്പിനെ പിടികൂടുന്ന വിദ്യയുടെ ദൃശ്യങ്ങള് ട്വിറ്ററില് പങ്കുവച്ചത്.
പാമ്പിനെ കണ്ടതോടെ നാട്ടുകാര് കൂടിയിരുന്നു. ഇവര്ക്കൊപ്പമാണ് ഒരു സീനിയര് നേവല് ഓഫിസറുടെ ഭാര്യയായ വീട്ടമ്മയും പാമ്പിനെ ചാക്കിലാക്കാന് ഇറങ്ങിയത്.
മറ്റുള്ളവര് വാലില് പിടിച്ചപ്പോള് വിദ്യ പാമ്പിന്റെ തലയില് പിടിക്കുകയായിരുന്നു. തുടര്ന്ന് കൂടെയുണ്ടായിരുന്ന മറ്റൊരു സ്ത്രീ നല്കിയ ചാക്കില് പാമ്പിന്റെ വാല്ഭാഗം ആദ്യം ഉള്ളില് കടക്കത്തക്ക വിധത്തില് പാമ്പിന്റെ ശരീരത്തിന്റെ മധ്യഭാഗം ഉള്ളിലേക്ക് താഴ്ത്തി.
പിന്നീട് പതുക്കെ പാമ്പിന്റെ തല ചാക്കിനുള്ളില് കയറ്റുകയും ചാക്ക് വരിഞ്ഞ് കെട്ടുകയുമായിരുന്നു. പുരുഷന്മാരില് ഭൂരിഭാഗം പേരും ഇത്തരം ഒരു സാഹചര്യത്തില് ആ പാമ്പിനെ തൊടാന് പോലും ശ്രമിക്കാതെ മാറിനില്ക്കാന് ശ്രമിക്കാനിടയുള്ളപ്പോള് വിദ്യ എന്ന ആ വീട്ടമ്മ അതിനെ പിടികൂടി ചാക്കിലാക്കാന് മുന്നോട്ട് വന്നത് നിസ്സാര കാര്യമല്ല എന്നാണ് സോഷ്യല് മീഡിയയുടെ അഭിപ്രായം.
https://www.facebook.com/Malayalivartha
