അമ്മയെ കാറിടിച്ചു വീഴ്ത്തിയപ്പോള് ഡ്രൈവറെ ശകാരിച്ചു, വാഹനത്തില് ദേഷ്യത്തോടെ തൊഴിച്ച് അരിശം തീര്ത്തു നാലുവയസ്സുകാരന്!
ചൈനയില് നടന്ന ഒരു അപകടത്തിന്റെ വിഡിയോയിലൂടെ സമൂഹമാധ്യമങ്ങളില് താരമാകുകയാണ് ഒരു നാലുവയസുകാരന് ബാലന്.
അമ്മയുടെ ഒപ്പം സീബ്രലൈനിലൂടെ റോഡ് മുറിച്ച് കടക്കുകയായിരുന്നു ഈ കുട്ടി. പെട്ടെന്നെത്തിയ ഒരു കാര് അമ്മയെയും അവനെയും തട്ടിയിടുകയായിരുന്നു.
നിലത്തു വീണ അമ്മയെ പിടിച്ചെഴുന്നേല്പ്പിച്ച ബാലന്റെ പിന്നീടുള്ള പ്രവര്ത്തിയാണ് ഏവരെയും ഞെട്ടിച്ചത്. അമ്മയ്ക്ക് കുഴപ്പങ്ങളൊന്നുമില്ല എന്നു കണ്ട് ആശ്വാസമായതോടെ തങ്ങളെ ഇടിച്ചിട്ട കാറിനെ ചവിട്ടുകയും ഡ്രൈവറോട് കയര്ക്കുകയും ചെയ്തു അവന്.
അവന് അറിയാവുന്ന രീതിയിലൊക്കെ തന്റെ അമ്മയെ ഇടിച്ച വാഹനത്തോട് ആ ദേഷ്യം അവന് പ്രകടമാക്കി. കാറിന്റെ ഡ്രൈവര് പുറത്തിറങ്ങി അവനെ ആശ്വസിപ്പിക്കുകയും അതേ കാറില് തന്നെ അവരെ കയറ്റി കൊണ്ടുപോവുകയും ചെയ്തു. അപകടത്തില് ഇവരുവര്ക്കും കാര്യമായ പരുക്കുകളില്ല. ഈ വിഡീയോ പുറത്തുവന്നതോടെ ഇങ്ങനെയൊരു മകനെ കിട്ടിയ അമ്മയെ പുകഴ്ത്തുകയാണ് ലോകം.
https://www.facebook.com/Malayalivartha