രണ്ടുദിവസം ​കൊണ്ട് സംസ്ഥാനത്ത് സ്വർണത്തിന് വർദ്ധിച്ചത് പവന് 4,480 രൂപ. തുടർച്ചയായ അഞ്ച് ദിവസത്തെ വർദ്ധനവിന് ഇടവേളയിട്ട് ഇന്ന് വിലയിൽ മാറ്റമില്ല. പവന് 1,07,080 രൂപയും ഗ്രാമിന് 13,385 രൂപയുമാണ് വില. ഈ മാസത്തെ ഏറ്റവും ഉയർന്ന നിരക്കാണിത്. ഇന്നലെ ഗ്രാമിന് 295 രൂപയും പവന് 2,360രൂപയും വർധിച്ചിരുന്നു.

ബുധനാഴ്ച രണ്ട് തവണയാണ് വില വർദ്ധനവുണ്ടായത്. ഉച്ചയോടെ ഗ്രാമിന് 265 രൂപ വർധിച്ചതോടെ ഒരു ഗ്രാം സ്വർണത്തിന്റെ വില 13,090 രൂപയായി. പവന് 2,120 രൂപയാണ് ഉയർന്നത്. ഇതോടെ ഒരു പവൻ സ്വർണത്തിന്റെ വില 1,04,720 രൂപയുമായി. രാവിലെയും സ്വർണവിലയിൽ വർദ്ധന രേഖപ്പെടുത്തിയിരുന്നു. ഗ്രാമിന് 25 രൂപയും പവന് 200 രൂപയും വർധിച്ച് യഥാക്രമം 12,825 രൂപയും, 1,02,600 രൂപയുമായിരുന്നു. ആഗോള വിപണിയിലെ മുന്നേറ്റമാണ് കേരളത്തിലും സ്വർണവില പുതിയ ഉയരങ്ങളിലേക്കെത്തിയത്.