ഇന്ത്യന്‍ കര്‍ഷകന്റെ വയല്‍പ്പാട്ട്... ജസ്റ്റിന്‍ ബീബറിന്റെ 'ബേബി'!
കര്‍ണാടകയിലെ ഒരു കര്‍ഷകന്‍ ജസ്റ്റിന്‍ ബീബറിന്റെ 'ബേബി' എന്ന ഗാനം പാടി സമൂഹിക മാധ്യമങ്ങളില്‍ താരമായിരിക്കുകയാണ് . ലുങ്കിയും ഷര്‍ട്ടും ധരിച്ച് വയലില്‍ പണിയെടുത്ത് കൊണ്ടിരിക്കുന്നതിനിടയില്‍ ഗാനം പാടുന്നതിന്റെ ദൃശ്യങ്ങള്‍ ഇരുകൈയും നീട്ടി സ്വീകരിച്ചിരിക്കുകയാണ് ഇപ്പോള്‍ പ്രേക്ഷകര്‍.
എം.എസ്.ഇസൈ പളളി എന്ന ആളാണ് പാട്ട് പാടുന്ന കര്‍ഷകന്റെ വിഡിയോ പങ്കുവച്ചത്. 2009-ല്‍ പുറത്തിറങ്ങിയ ജസ്റ്റിന്‍ ബീബറിന്റെ ഹിറ്റ് ഗാനങ്ങളില്‍ ഒന്നാണിത്. പാടത്ത് തിരക്കിട്ട ജോലികളില്‍ ഏര്‍പ്പെട്ടിരുന്ന കര്‍ഷകനോട് ഒരുകൂട്ടം ചെറുപ്പക്കാര്‍ പാട്ട് പാടാമോ എന്ന ആവശ്യം മുന്നോട്ടു വയക്കുകയായിരുന്നു. ആദ്യം വിസമ്മതിച്ചുവെങ്കിലും പിന്നീട് മനോഹരമായി പാടി വിസ്മയിപ്പിക്കുകയായിരുന്നു ഈ കലാകാരന്‍.
മൊബൈലില്‍ ബേബി എന്ന ഗാനത്തിന്റെ മ്യൂസിക് വച്ചതിനു ശേഷം തന്റേതായ ശൈലിയിലാണ് കര്‍ഷകന്‍ പാട്ട് പാടുന്നത്. വരികളും താളവും തെറ്റിക്കാതെ യഥാര്‍ഥ ഗാനത്തിന്റെ തനിമ ചോരാത്ത രീതിയിലായിരുന്നു ആലാപനം. വളരെ ആത്മവിശ്വാസത്തോടെ ആസ്വദിച്ചു പാടുന്ന ഈ കര്‍ഷകനെ കണ്ട് ഞെട്ടിയിരിക്കുകയാണ് സോഷ്യല്‍ മീഡിയ. യൂട്യുബില്‍ നിരവധി പേരാണ് ഈ വിഡീയോ ഇതിനോടകം കണ്ടുകഴിഞ്ഞത്.
https://www.facebook.com/Malayalivartha
