വളര്‍ത്തുനായയെ കണ്ടെത്തുന്നവര്‍ക്ക് 7000 ഡോളര്‍ പാരിതോഷികം പ്രഖ്യാപിച്ച് യുവതി, വാടകയ്ക്ക് എടുത്ത വിമാനവുമായി യുവതി അന്വേഷണം തുടരുന്നു!
തന്റെ ഓമന വളര്‍ത്തു നായയെ കാണാതായപ്പോള്‍ സാന്‍ഫ്രാന്‍സിസ്‌കോ സ്വദേശി എമിലി തലെര്‍മോ, ചെയ്ത കാര്യം ഇപ്പോള്‍ സാമൂഹിക മാധ്യമങ്ങളില്‍ ചര്‍ച്ച വിഷയമാണ്. എമിലി അതിനെ കണ്ടെത്താന്‍ വിമാനം വാടകയ്ക്ക് എടുത്തിരിക്കുകയാണ്.
ജാക്സണ് എന്ന ആസ്ട്രേലിയന്‍ ഷെപേര്‍ഡിനെയാണ് കഴിഞ്ഞയാഴ്ച മുതല്‍ കാണാതായത്. 1200 ഡോളറിന് വാടകയ്ക്കെടുത്ത വിമാനത്തിന് പുറത്ത് നായയുടെ ചിത്രവും പേരുവിവരങ്ങളും ചേര്‍ത്ത ബാനറും വെച്ചിട്ടുണ്ട്. ജാക്സണെ തേടി വിമാനം നഗരത്തില്‍ പറന്നത് രണ്ടര മണിക്കുറോളമാണ്.
തന്റെ ജാക്സണെ ഗ്രോസറി ഷോപ്പിന് പുറത്ത് നിന്ന് ആരോ മോഷ്ടിച്ചതാണെന്നും താന്‍ ഒറ്റയ്ക്കായതിനാല്‍ എല്ലാവരും സഹായിക്കണമെന്നും എമിലി ആവശ്യപ്പെടുന്നു. മാത്രമല്ല നായയെക്കുറിച്ച് വിവരങ്ങള്‍ നല്‍ക്കുന്നവര്‍ക്ക് 7000 ഡോളര്‍ പാരിതോഷികം നല്‍കുമെന്നും വാഗ്ദാനമുണ്ട്.
അഞ്ചു വയസ്സുകാരനായ ജാക്സണ് വേണ്ടി ഒരു വെബ്സൈറ്റും ആരംഭിച്ചിട്ടുണ്ട്. പോസ്റ്ററുകളും നോട്ടീസുകളും അടിച്ച് നഗരത്തിലെല്ലാം വിതരണം ചെയ്ത് സുഹൃത്തുക്കളും എമിലിക്കൊപ്പമുണ്ട്.
https://www.facebook.com/Malayalivartha
