മഞ്ഞുറഞ്ഞു കിടക്കുന്ന തടാകത്തില്പ്പെട്ട മാനിനേയും കുഞ്ഞുങ്ങളേയും രക്ഷപ്പെടുത്തുന്നതിന്റെ ദൃശ്യങ്ങള്
കാനഡയിലിപ്പോള് മഞ്ഞുകാലമാണ്. മിക്ക തടാകങ്ങളും വെള്ളം ഉറഞ്ഞ് ഐസായി കിടക്കുകയാണ്. ഇങ്ങനെയൊരു തടാകത്തിന്റെ നടുവില്പെട്ടുപോയി ഒരു മാനും രണ്ട് കുഞ്ഞുങ്ങളും. കാനഡയിലെ തെക്കന് ഒന്റാറിയോയിലുള്ള ഒരു തടാകത്തിലാണ് സംഭവം. തടാകത്തിന്റെ നടുവില് നിന്ന് പുറത്ത് കിടക്കാന് കഴിയാതെ കഷ്ടപ്പെടുന്ന മാനുകളെ ആദ്യം കണ്ടത് റയാന് പീറ്റേഴ്സണ് എന്നൊരാളാണ്.
മാനുകളുടെ ജീവന് അപകടത്തിലാണെന്ന് മനസ്സിലായ റയാന് അവയെ രക്ഷപ്പെടുത്താനുള്ള മാര്ഗം തിരഞ്ഞു. തീരെ കനം കുറഞ്ഞ മഞ്ഞ് പാളികള് ആയതിനാല് മാനിനെ രക്ഷിക്കുന്നത് അത്ര എളുപ്പമുള്ള കാര്യം ആയിരുന്നില്ല. റയാന്, സ്കേറ്റ് ചെയ്ത് മാനുകളുടെ അടുത്തെത്തി അവയുടെ ശരീരത്തില് കയറിട്ട് വലിച്ചാണ് കരയിലെത്തിച്ചത്.
മഞ്ഞില് കാലുറപ്പിച്ച് നില്ക്കാന് പോലുമാകാതെ കിടക്കുന്ന നിലയിലായിരുന്നു മൂന്ന് മാനുകളും. ആദ്യം മാനിനെയും പിന്നീട് കുട്ടികളേയും ഇതേ രീതിയില് രക്ഷപ്പെടുത്തുകയായിരുന്നു. മാനുകളെ രക്ഷപ്പെടുത്തുന്ന ഈ ദൃശ്യങ്ങള് ഇപ്പോള് സമൂഹമാധ്യമത്തില് വ്യാപകമായി പ്രചരിക്കുന്നുണ്ട്.
https://www.facebook.com/Malayalivartha